Otello (Rossini)

Otello ossia Il Moro di Venezia; Otello ou o mouro de Venecia
Forma	Ópera
Actos e escenas	3 actos
Idioma orixinal do libreto	Italiano
Libretista	Francesco Berio, marqués de Salsa
Fontes literarias	Otello do barón Carlo Cosenza, adaptación de Othello, or the Moor of Venice, Shakespeare
Estrea	4 de decembro de 1816
Teatro da estrea	Teatro del Fondo
Lugar da estrea	Nápoles
Duración	3 horas 30 minutos
Música
Compositor	Gioachino Rossini
Localización da partitura	Fondazione Rossini, Pésaro
Personaxes
	Otello (tenor); Desdemona (mezzosoprano); Rodrigo (tenor); Jago (tenor); Emilia (mezzosoprano); Elmiro (baixo); O dogo de Venecia (tenor); Lucio (tenor); Un gondoleiro (tenor)

Otello, ossia il moro di Venezia (en galego Otello, ou o mouro de Venecia é unha ópera en tres actos con música de Gioachino Rossini e libreto en italiano de Francesco Maria Berio di Salsa, baseado nunha adaptación francesa do Otelo de Shakespeare realizada por Jean-François Ducis^[1]. Foi estreada no Teatro del Fondo de Nápoles o 4 de decembro de 1816.

É a única obra rossiniana baseada nun drama de Shakespeare. A ópera adáptase bastante á obra orixinal, ten lugar en Venecia e non en Chipre, e o drama desenvólvese doutro xeito. O papel de Jago é nalgún sentido menos importante e diabólico que na obra orixinal e que na versión de Verdi, estreada en 1887. O Otello de Rossini é un fito importante no desenvolvemento da ópera como drama musical, ademais proporcionou a Verdi un punto de referencia para as súas propias adaptacións de Shakespeare.

Otello, como moitas outras óperas de Rossini, foi caendo pouco a pouco no esquecemento e chegando no século XX a ser a súa presenza practicamente nula. Como noutros casos houbo que agardar ao renacemento de Rossini para que a obra volvese coller voo. É curioso que o propio Rossini afirmaba que, da súa extensa produción operística, tan só sobrevivirían no tempo Il barbiere di Siviglia completo, o acto II de Guillaume Tell e o acto III de Otello.

Esta ópera represéntase pouco, aparecendo nas estatísticas de Operabase no posto nº 222 das óperas representadas no período 2005-2010 e sendo a 65ª en Italia e a novena de Rossini con 12 representacións nese período^[2].

Historia das representación

A estrea do Otello de Rossini tivo lugar no Teatro del Fondo de Nápoles o 4 de decembro de 1816. A súa estrea no Reino Unido foi o 16 de maio de 1822 no King's Theatre de Londres, e a premier americana tivo lugar o 7 de febreiro de 1826 en Park Theatre en Nova York.^[3]

Personaxes

Personaxe	Tesitura	Elenco na estrea, 4 de decembro de 1816 (Director: - )
Otello	tenor	Andrea Nozzari
Desdemona	mezzosoprano	Isabella Colbran
Rodrigo	tenor	Giovanni David
Jago	tenor	Giuseppe Ciccimarra
Emilia	mezzosoprano	Maria Manzi
Elmiro	baixo	Michele Benedetti
O dogo de Venecia	tenor	Gaetano Chizzola
Lucio	tenor	Nicola Mollo
Un gondoleiro	tenor	Nicola Mollo

Notas

↑ Lois Potter (2002) Othello Manchester: Manchester University Press, p. 61
↑ "Estatísticas de Operabase". Arquivado dende o orixinal o 14 de maio de 2017. Consultado o 14 de xaneiro de 2012.
↑ Holden, p. 779

Véxase tamén

Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Lois Potter (2002) Othello Manchester: Manchester University Press, p. 61

[2] "Estatísticas de Operabase". Arquivado dende o orixinal o 14 de maio de 2017. Consultado o 14 de xaneiro de 2012.

[3] Holden, p. 779

[1]

[2]

[3]