Diego Rivera

Diego Rivera
	; Irudi gehiago
Bizitza
Jaiotzako izen-deiturak	Diego María de la Concepción Juan Nepomuceno Estanislao de Rivera y Barrientos Acosta y Rodríguez
Jaiotza	Guanajuato, Guanajuato eta Guanajuato (udalerria), 1886ko abenduaren 8a
Herrialdea	Mexiko
Heriotza	Coyoacán (en) eta Mexiko Hiria, 1957ko azaroaren 24a (70 urte)
Hobiratze lekua	Rotonda de las Personas Ilustres (en)
Heriotza modua	berezko heriotza: miokardio infartu akutua
Familia
Ezkontidea(k)	Angelina Beloff (1911 - 1921); Guadalupe Marín (1922ko ekaina - 1927); Frida Kahlo (1929ko abuztuaren 21a - 1939ko azaroaren 6a); Frida Kahlo (1940ko abenduaren 8a - 1954ko uztailaren 13a); Emma Hurtado (1955eko uztailaren 29a - 1957ko azaroaren 24a)
Bikotekidea(k)	ikusi Marie Vorobieff (en) ;
Seme-alabak	ikusi Marika Rivera (mul) ; Ruth Rivera Marín; Guadalupe Rivera Marín;
Hezkuntza
Heziketa	Los Angeles ; Frantziako Zientzien Akademia ; Academy of San Carlos (en) ; (1896 - 1907)
Hizkuntzak	gaztelania
Irakaslea(k)	Octave Denis Victor Guillonnet (mul)
Ikaslea(k)	ikusi Rudolf Hess (en) ; Yohanan Simon (en) ; Rina Lazo; Ernesto Ríos (en) ; Laura van Pappelendam (en) ; Victor Arnautoff (en) ;
Jarduerak
Jarduerak	muralist (en) , arkitektura proiektuen marrazkilaria, marrazkilaria, margolaria, grabatzailea eta eskultorea
Lantokia(k)	Mexiko Hiria; San Frantzisko; New York; Detroit; Brujas; Paris; Sobietar Errepublika Sozialisten Batasuna eta Espainia
Lan nabarmenak	ikusi The History of Mexico (en) ; Sueño de una Tarde Dominical en la Alameda Central (en) ; Río Juchitán (en) ; Portrait of Ramón Gómez de la Serna (en) ; Detroit Industry Murals (en) ; The Banana Leaf Loader (en) ; Allegory of California (en) ; The Making of a Fresco Showing the Building of a City (en) ;
Jasotako sariak	ikusi National Prize for Arts and Sciences (1950) ;
Kidetza	Colegio Nacional (en) ; National Academy of Fine Arts (Argentina) (en)
Mugimendua	Errealismo soziala; Mexikar muralismoa
Izengoitia(k)	Barrientos, Diego María Rivera
Genero artistikoa	social-artistic project (en)
Sinesmenak eta ideologia
Erlijioa	ateoa
Alderdi politikoa	Mexikar Alderdi Komunista

Diego Rivera, horma-margolari mexikarra (Guanajuato, 1886ko abenduaren 8a - Mexiko, 1957ko azaroaren 24a).

Horma-pintore handienetako bat izan zen, eta eragin handia izan zuten Amerika osoan haren teknika modernoek. Europan barrena ibili eta gero, Parisa joan eta pintore kubistekin harremanetan hasi zen. 1910ean egin zuen lehen erakusketa Mexiko Hirian. Europara joan zen berriro, eta, Parisko giroa utzi ondoren, Italiara joan zen freskoen artea hurbiletik ezagutzera. 1921. urtean itzuli zen Mexikora. Urte hartan berean sortu zuen Mexikoko pintoreen sindikatua, Orozco eta Siqueirosekin batera, eta eraikin ofizial batzuetarako lanetan (Mexikoko hiriko Escuela Nacional Preparatoria izeneko eskolako hormak, La Creación lanaz; Chapingo-ko Nekazaritza Eskolako La tierra fecunda lana) gorpuztuz joan zen, arian-arian, Mexikoko horma-pintura berria. New York-en erakusketa handi bat egin ondoren, Detroit-eko Arte Institutuko hormetan lan egin zuen 1932an. Bigarren Mundu Gerraren ondoren ekin zion bere proiektu handienari, etorkizun oparo baten esperantzan Mexikoko historia guztia jasoko zuen horma-pintura izugarri handi bat egiteari Mexiko Hiriko Jauregi Nazionalean, baina bukatu aurretik hil zen. Riverak monumentu-itxurako lanetara jo zuen beti, kolore biziak erabili zituen, marrazki lauak eta forma bakunak. Mexikoko pintura nazionaleko artista handientzat joa da Diego Rivera. Frida Kahlo izan zen bere hirugarren emaztea.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Diego Rivera

Artikulu hau Mexikoko biografia baten zirriborroa da. Wikipedia lagun dezakezu edukia osatuz.

Datuak: Q171128
Multimedia: Diego Rivera / Q171128