Erme
Erm eller erme (norrønt ermr, av arm) er den delen av eit klesplagg som omgjev heile eller delar av armen.[1][2] Ein kan ha erme på genserar, skjorter, kjolar, jakker og mange andre plagg som dekker overkroppen. Dei fleste erme er festa til slike plagg, men det finst også lauserme som kan festast nede på armen. Lengda, vidda og fasongen til erme, og måten dei eventuelt blir festa til ermeholet på, varierer mykje med moten.
Konstruksjon
[endre | endre wikiteksten]Erme kan vera lange eller korte, vida og luftige eller ettersitjande og tronge. Dei kan såvidt dekkja skuldrene, stoppa ulike stader på armen, eller i nokre høve gå langt forbi handleddet. Dei kan stå glatt eller ha innsnitt, rynkar eller kilar og legg. I staden for påsydde erme kan ein laga dei ved å klippa til for- og bakstykket i ein enkel fasong med liv og erme i eitt og så sy tøystykka saman som for- og bakstykke. Raglanerme dekker heile skulderpartiet og blir sydd til for- og bakstykket på plagget utan ermehol.
Erme kan avsluttast nedst med til dømes vanleg fald, oppslag (tilbakebretta ende),[3] linning (folda, forsterka kant omkring opninga) eller mansjettar (brei, glatt linning eller krage kring handleddet),[4] eventuelt med splitt[5] og knappar.
På strikkeplagg blir erma sydd eller strikka til bolen (delen rundt overkroppen).[6][7]
Ermetypar
[endre | endre wikiteksten]
| Ermetype og skildring | Bilde | |
|---|---|---|
| 3/4-langt erme dekkjer tre fjerdedelar av armen, og endar på midten av underarmen. | 
|
.jpg?lang=nn)
|
| Ballongerme er vide erme som blir samla ved olbogen.[10] | 
|
.jpg?lang=nn)
|
| Engageanterme er undererme med rekkjer av påsydde blonder | 
|
|
| Flaggermuserme er klippa i eitt saman med resten av plagget og heng vidt i ei slags vengeform | 
|
|
| Furisode er ein type kimono med ekstra vide erme som berre er feste til resten av drakta ved armhola. Namnet tyder 'svingande erme'. | 
|
|
| Hengeerme heng ope vidt ned frå olbogen | 
|
|
| Kappeerme er korte erme som dekker skuldera som ei kappe, men har lite eller inkje stoff under armen. | _LACMA_M.2007.211.943a-c_(1_of_2).jpg?lang=nn)
|
.jpg?lang=nn)
|
| Kimonoerme blir klipt til i eitt med den øvre delen av plagget[11][12] som på tradisjonelle kinesiske klede. Kimonoar har som regel erme laga av eigne tøystykke, ikkje kimonoerme. | 
| |
| Kort erme stoppar eit stykke oppe på overarmen. | 
|
|
| Langt erme går heilt ned til handleddet. | 
|
|
| Olbogeerme er lange nok til å nå olbogen, men rekk ikkje over han. | .jpg?lang=nn)
| |
| Overtrekkserme er eit laust erme som kan trekkjast over eit anna for å verna plagget mot slitasje og søl | 
| |
| Pagodeerme er traktforma, og var populært på 1860-talet med volangar (kappeforma pynt) over eit falsk undererme eller engageanterme. | 
|
_(14769238772).jpg?lang=nn)
|
| Poseerme vidar seg ut til ein pose og smalnar inn att ved enden, vanlegvis handleddet. Ein kan også kalla slike erme biskoperme. | 
|
|
| Pufferme har utposingar med rynkar over og under | .png?lang=nn)
|
|
| Raglanerme er eit langt eller kort erme som skrår innover i rette linjer opp mot halskanten på plagget og blir sydd fast utan ermehol. Ermesnittet blir ofte brukt på fritids- eller sportsplagg[13] | .png?lang=nn)
|
|
| Skinkeerme er ekstremt vidt rundt overarmen og smalt frå olbogen til handleddet. Det blir kalla «lammelår» på fransk (gigot) og engelsk (leg-of-mutton sleeve) | 
|
.jpg?lang=nn)
|
| Sommarfuglerme er nokså korte erme som vidar seg mykje ut mot enden. I filippinsk drakttradisjon finst ei utgåve der ein stivar dei oppover i spissar. | 
|
.jpg?lang=nn)
|
| Trompeterme skrånar ut i større vidde nedst | _-_Google_Art_Project.jpg?lang=nn)
| |
| Vasserme er eit sterkt forlenga erme brukt i kinesisk dans (hovudsakleg kinesisk opera) og koreansk kultur. Det kan vera eit lauserme som ein festar rundt handleddet og som går ut over handa. | .jpg?lang=nn)
|
|
Kjelder
[endre | endre wikiteksten]- ↑ 1,0 1,1 Språkrådet om uttrykket «å brette opp ermene»
- ↑ «erme» i Det Norske Akademis ordbok
- ↑ Det Bestes store sybok. Det Beste. 1978. s. 286–288. ISBN 8270100781.
- ↑ Det Bestes store sybok. Det Beste. 1978. s. 278. ISBN 8270100781.
- ↑ Det Bestes store sybok. Det Beste. 1978. s. 284–285. ISBN 8270100781.
- ↑ Strikke ermer inn på bolen (video frå Wollwellas hobby 2016)
- ↑ Slik kan du sette sammen bolen og ermene (video frå VanjaSTRIKK 2017)
- ↑ Stiltips trinn for trinn: Hvordan brette opp skjorteermene
- ↑ GANT: Slik ruller du opp ermene
- ↑ «ballongerme» i Det Norske Akademis ordbok
- ↑ Det Bestes store sybok. Det Beste. 1978. s. 275. ISBN 8270100781.
- ↑ Stil - syboken. Cappelen. 1950. s. 43.
- ↑ raglan i Store norske leksikon på snl.no. Henta 20. juli 2020.
- Denne artikkelen bygger på «Erme» frå Wikipedia på bokmål, den 9. november 2020.