Gu Yanwu

Gu Yanwu

Biografía
Nacemento	15 de xullo de 1613 Kunshan, República Popular da China
Morte	15 de febreiro de 1682 (68 anos)
Causa da morte	morte accidental, caída de cabalo
Relixión	Confucianismo
Actividade
Campo de traballo	Filosofía, filoloxía e xeografía
Ocupación	lingüista, erudito, poeta, historiador, estudante, filósofo, astrónomo, xeógrafo, filólogo
Familia
Pai	Gu Tongying
Irmáns	Q51955247
Descrito pola fonte	Qingdai Xuezhe Xiangzhuan (en) Seven Hundred Eminent People of the Qing Dynasty (en) , (p.1583-1585) Biographies of the Qing dynasty (en)

Gu Yanwu (chinés tradicional: 顧炎武; chinés simplificado: 顾炎武; pinyin: Gù Yánwǔ; Wade-Giles: Ku⁴ Yen²-wu³), tamén coñecido como Gu Tinglin (chinés tradicional: 顧亭林; chinés simplificado: 顾亭林; pinyin: Gù Tínglín; Wade-Giles: Ku⁴ T'ing²-lin²), nado o 15 de xullo de 1613 e finado o 15 de febreiro de 1682, foi un filólogo, xeógrafo e erudito chinés da dinastía Qing.

Traxectoria

Gu Yanwu naceu na provincia de Jiangsu en 1613. Comezou a estudar aos 14 anos. En 1645, Gu foi recomendado para un posto na corte imperial de Nanjing. Alí, propuxo numerosas ideas. Porén, insatisfeito coa organización da corte, dimitiu e regresou á súa vila natal. En 1655, os oficiais locais condenárono a prisión, de onde foi liberado por un amigo.

Inspirado por Chen Di, quen estudou a fonoloxía do chinés antigo, Gu dividiu as palabras desta lingua en dez grupos de rimas. A súa aproximación positivista a múltiples disciplinas, e as súas críticas ao neoconfucianismo, tiveron unha grande influencia en estudosos posteriores. Entre as súas obras, destacan o Yinxue wushu 音學五書 ("Cinco libros sobre o estudo dos sons"), o Ri zhi lu 日知錄 ("Rexistro diario do estudo") e Zhao yu zhi 肇域志. Xunto con Wang Fuzhi e Huang Zongxi, Gu é un dos máis importantes eruditos confucianos de finais da dinastía Ming e comezos da Qing.

En 1682, volvendo dunha viaxe a Huaying, Gu faleceu ao caer do seu cabalo.

Véxase tamén

Bibliografía

• Zhang, Anji (2007). "顾炎武". 中国学术思想史稿 (en chinés). ISBN 9787500459101. 
• Wang, Xiaoyi (2006). "顾炎武：天下兴亡，匹夫有责" (en chinés).