Hodonín

Por aliaj signifoj, bv. rigardi la apartigilan paĝon: Hodonín (apartigilo)

Hodonín
germane Göding
urbo
Urbodomo en Hodonín
Flago Blazono
Oficiala nomo: Hodonín
Ŝtato	Ĉeĥio
Regiono	Sudmoravia regiono
Distrikto	Distrikto Hodonín
Administra municipo	Hodonín
Historiaj regionoj	Moravio, Grandmoravia imperio
Montaro	Blankaj Karpatoj
Memorindaĵoj	Kanalo de Baťa kanalo
Rivero	Moravo
Situo	Hodonín
- alteco	167 m s. m.
- koordinatoj	48° 50′ 55″ N 17° 07′ 42″ O (mapo)
Katastro	63,05 km² (6 305 ha) Hodonín
Loĝantaro	23 657 (2024)
Denseco	375,21 loĝ./km²
Valego	Malsupramoravia valego
Fondo	11-a jarcento
Plej facila aliro	al Holíč Slovakio
Horzono	MET (UTC+1)
- somera tempo	MET (UTC+2)
Poŝtkodo	695 01
NUTS 3	CZ064
NUTS 4	CZ0645
NUTS 5	CZ0645 586021
Katastraj teritorioj	1
Partoj de urbo	1
Bazaj setlejunuoj	20
Situo enkadre de Ĉeĥio Situo enkadre de Ĉeĥio
Vikimedia Komunejo: Hodonín
Retpaĝo: www.hodonin.eu
Portalo pri Ĉeĥio

Hodonín (germane Göding) estas urbo en Ĉeĥio. Ĝi situas proksime al la ŝtatlimo kun Slovakio, en Sudmoravia regiono, sur la dekstra bordo de rivero Moravo, 50 km sudoriente de Brno. En 2024 ĝi havis 23 657 loĝantoj. Naskiĝloko de la unua ĉeĥoslovaka prezidento Tomáš Garrigue Masaryk kaj la plej juna ĉeĥa banloko.

La najbaraj municipoj de la setlejo estas Lužice, Ratíškovice, Rohatec, Mikulčice, Dolní Bojanovice, Dubňany, Mutěnice kaj Skalica.

Historio kaj vidindaĵoj

Surloke de la nuna urbo staris origine fortikigita setlejo, fondita supozeble de la princo Břetislav la 1-a kaj menciita la unuan fojojn jam en 1046. Apud ĝi ekkreskis vilaĝeto unuafoje skribe menciita en 1196, kiu en la jaro 1228, samtempe kun renovigo de la loka burgo, akiris la urbajn rajtojn danke al la hungara reĝino Konstancia, edzino de la ĉeĥa reĝo Přemysl Otakar la 1-a.

La situo ĉelime al Aŭstria reĝlando signifis oftan endanĝerigon, maltrankvilan evoluon kaj alternon de posedantoj. En la 16-a jarcento ĉi tie staris gotika burgo kun akva fortikaĵo, alikonstruita je kvarala renesanca kastelo. Post la tridekjara milito novaj posedantoj faris pluajn reguligojn kaj estis konstruita alta turo. Komence de la 18-a jarcento la kastelo venis en posedadon de la reĝfamilio kaj ĝi malfloris. En la jaro 1787 ĝi estis ŝanĝita al tabakfabriko.

En la jaro 1642 elkreskis nova renesanca kastelo, ĉirkaŭ la jaro 1746 alikonstruita je baroka unuetaĝa triala objekto (nuntempe tie troviĝas muzeo de T. G. Masaryk).

Okulfrapa secesia urbodomo el la jaro 1904 signas ekfloron, al kiu kontribuis, simile kiel ĉe aliaj urboj en Moravio, konstruo de Norda fervojo kaj komenco de minado de lignito. En naskoloko de T. G. Masaryk estis en la jaro 1990 denove instalita (en loko de la origina monumento el la jaro 1931) statuo, kiu estis forigita en la jaro 1977.

Se temas pri evoluo post la dua mondmilito, estas konvene mencii konstruadon de vaporenergia elektrejo kaj minadon de krudnafto kaj gaso en la ĉirkaŭaĵo. Malkovro de bromjodaj akvoj, dank‘ al kiuj Hodonín fariĝis en la jaro 1978 ĉeĥa la plej juna banloka urbo, koneksas kun tio. Oni kuracas tie malsanojn de angioj kaj cirkulorganoj.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	5 202
1880	6 512
1890	8 482
1900	10 233
1910	12 197
1921	13 200

Jaro	Loĝantoj
1930	14 793
1950	13 572
1961	18 021
1970	20 863
1980	25 485
1991	28 230

Jaro	Loĝantoj
2001	27 361
2014	25 049
2016	24 796
2017	24 728
2018	24 683
2019	24 682

Jaro	Loĝantoj
2020	24 512
2021	24 100
2022	23 828
2023	23 805
2024	23 657

Transporto

Tra Hodonín gvidas grava durela elektrizita fervoja linio numero 330 de Břeclav al Přerov.

Gefiloj

• Richard Wilhelm Polifka, eldonisto kaj ĵurnalisto

Pluaj fotoj

• 
  Kastelo, hodiaŭ Muzeo de Masaryk
• 
  Domo de artistoj
• 
  Preĝejo de sankta Laŭrenco en placo de Masaryk
• 
  Nacia avenuo, monumento de decembra striko 1920
• 
  Vejro sur rivero Moravo (Varfo Ĉe Vejro Hodonín)

Eksteraj ligiloj

• Oficiala retpaĝaro de la Muzeo de Masaryk