Illa Byam Martin

Illa Byam Martin
Tipo	illa
Epónimo	Thomas Byam Martin (mul)
Parte de	Illas da Raíña Isabel
Situado na entidade xeográfica	Illas Árticas do Canadá
Localización
División administrativa	Nunavut, Canadá
	75°12′N 104°15′O / 75.2, -104.25
Bañado por	Océano Ártico
Características
Dimensións	37 () × 46 () km ;
Superficie	1.150 km²
Historia
Data de descuberta ou invención	1819

A illa Byam Martin é unha illa das Illas Árticas do Canadá situada no lado norte do estreito Viscount Melville no territorio de Nunavut.

Xeografía

As illas máis próximas son: ao oeste, Illa Melville, da que a separan as augas da canle Byam Martin (27 km de anchura); ao leste, separadas pola canle Austin, a illa Bathurst (a 35 km) e illa Alexander (a 42 km); ao sur, as augas abertas do Estreito Viscount Melville.^[1] A illa Byam Martin mide 46 km de longo, e 37 km de largo e ten 1.150 km² de superficie.^[1]

O terreo é bastante baixo, cunha media de 100 m. de altitude na maior parte da illa, aínda que chega aos 153 m na súa parte sur. O relevo está moi fracturado por numerosos vales fluviais estacionais.

Historia

A illa Byam Martin foi descuberta por vez primeira polo explorador británico e capitán da Mariña Real Británica, William Edward Parry, na súa segunda expedición de 1819-20 ao ártico en procura do Paso do Noroeste. Parry, que xa estivera no ártico con John Ross, logrou o mando dunha nova expedición ártica formada por dous barcos, o HMS Hecla, de 375 ton., ao seu mando, e o HMS Griper, de 180 ton., ao mando do tenente Liddon. Partiron de Inglaterra en maio de 1819 e o 4 de agosto chegaron ao Estreito Lancaster, que libre de xeo, permitiulles avanzar rapidamente cara ao oeste. Nesa travesía descubriron moitas illas totalmente descoñecidas no arquipélago que durante moito tempo chamouse arquipélago Parry (e que desde 1953 chámase Illas da Raíña Isabel), entre elas a illa Byam Martin.^[2] Leva o nome na honra de Sir Thomas Byam Martin, almirante da Mariña Real Británica (1773-1854).

Notas

↑ ^1,0 ^1,1 "Byam Martin Island at Oceandots.com". Arquivado dende o orixinal o 23 de decembro de 2010. Consultado o 2009-03-14.
↑ Parry, William Edward (1821). "Journal of a Voyage for the Discovery of a North-West Passage from the Atlantic to the Pacific: Performed in the Years 1819-20, in His Majesty's Ships Hecla and Griper, under the orders of William Edward Parry". princeton.edu. London. OCLC 46198505. Arquivado dende o orixinal o 29 de setembro de 2017. Consultado o 11 de setembro de 2017.

Véxase tamén

Outros artigos

Ligazóns externas

Byam Martin Island no Atlas do Canadá - Toporama; Natural Resources Canada

[oceandots-1] 1,0 ^1,1 "Byam Martin Island at Oceandots.com". Arquivado dende o orixinal o 23 de decembro de 2010. Consultado o 2009-03-14.

[2] Parry, William Edward (1821). "Journal of a Voyage for the Discovery of a North-West Passage from the Atlantic to the Pacific: Performed in the Years 1819-20, in His Majesty's Ships Hecla and Griper, under the orders of William Edward Parry". princeton.edu. London. OCLC 46198505. Arquivado dende o orixinal o 29 de setembro de 2017. Consultado o 11 de setembro de 2017.

[1]

[2]