June Almeida
| June Almeida | |
|---|---|
| Beatha | |
| Ainm slàn | June Dalziel Hart |
| Breith | Glaschu, 5 dhen Dàmhair 1930 |
| Dùthaich |
 Alba |
| Bàs |
Bexhill-on-Sea (en)  , 1 dhen Dùbhlachd 2007 |
| Nàdar a’ bhàis | adhbharan nàdarra (greim-cridhe) |
| Foghlam | |
| Cànain | Beurla |
| Dreuchd | |
| Dreuchd | eòlaiche bhìorasan agus bith-eòlaiche |
| Fastaichean |
Glasgow Royal Infirmary (en) Wellcome Research Laboratories (en) St Bartholomew's Hospital (en) Royal Postgraduate Medical School (en) St Thomas's Hospital Medical School (en) Ontario Cancer Institute (en) |
B' e bhìor-eòlaiche à Alba a bha ann an June Almeida.
Beatha
[deasaich | deasaich an tùs]Rugadh i mar June Hart 5 Dàmhair 1930 agus thogadh i ann an Glaschu. Nuair a dh'fhàg i aig aois 16 an sgoil chaidh i na teicniche aig deuchainn-lann aig an Taigh-eiridinn Rìoghail Ghlaschu agus an sin aig Ospadal Naoimh Pàrlain ann an Lunnainn. Phòs i Enriques Almeida, neach-ealain às a' Bheiniseala agus dh'imrich iad gu Canada far an do dh'obraich i air structaran bhìorasan. Dh'fhiathaich A. P. Waterson a bha na ollamh aig Sgoil Meadaigeach Ospadal Naoimh Thòmais i gu Lunnainn is thill i ann an 1964. Aig deireadh a cùrsa-obrach bha i ag obair aig an Deuchainn-lann Rannsachaidh Wellcome ann am Beckenham. Leig i ann an 1985 a dreuchd suas is thrèanaich i mar thidsear yoga. Chaochail i 1 Dùbhlachd 2007.[1]
Saidheans
[deasaich | deasaich an tùs]B' e tùsaire ann am maicreasgopaidh eileagtronach ion-dhìonach, dòigh a chleachd i airson structar bìoras a' ghalair-dheirg a dhearbhadh agus lorg i cuideachd gun robh dà phàirt aig a' bhìoras lionnachaidh-ghrùthain B.[1] Tha i ainmeil cuideachd air sgàth 's gun do lorg i na coròna-bhìorasan. Bha i ag obair còmhla ri David Tyrrell aig Aonad a' Chnatain-bheinge ann an Salisbury nach urrainn dha samplaichean àirichte a mhathachadh anns an deuchainn-lann. Fo mhaicreosgop, chunnaic i mìrean bìorais a bha coltach ri crùin is dh'ainmeachadh i air facal Laideann airson crùin am bìoras coròna-bhìoras.[2]
Iomraidhean
[deasaich | deasaich an tùs]- ↑ 1.0 1.1 Almeida, Joyce (2008): “June Almeida (née Hart),” ann an: Br. Med. J., leabhar 336, td. 1511. doi:10.1136/bmj.a434.
- ↑ Brocklehurst, Stephen: “The woman who discovered the first coronavirus”, BBC Scotland News. 15mh dhen Ghiblean 2020. Air a thogail 21mh dhen Ghiblean 2020.