Kašecy

**Kašecy**
Kaschwitz
	Kašecy na karće Hornjeje Łužicy
	Kašecy na karće Hornjeje Łužicy
gmejna:	Pančicy-Kukow
zagmejnowanje:	1957 (do Kašec-Hłupońcy)
wobydlerstwo:	106 (31. decembra 2022)
přestrjeń:	1,58 km²
wysokosć:	245 metrow n.m.hł.
	51.20527777777814.180833333333245 Koordinaty: 51° 12′ 19″ S, 14° 10′ 51″ W
póstowe čisło:	01920
předwólba:	035796
	Swjaty křiž w Kašecach Swjaty křiž w Kašecach
	wikidata: Kašecy (Q162713)

Kašecy (němsce Kaschwitz) su wjes ze 106 wobydlerjemi^[2] w srjedźišću wokrjesa Budyšin w Hornjej Łužicy. Wot 1994 słušeja ke gmejnje Pančicy-Kukow. Hač do 1957 běchu samostatna gmejna.

Geografija

Wjes leži pola Wotrowa, něhdźe 19 km zapadnje Budyšina. Susodne wjeski su Wotrow na sewjeru, Bukowc na wuchodźe, Hłupońca na juhowuchodźe a Žuricy na juhozapadźe. Na zapadźe je mjez Kašecami a Jědlowom hórka Lipica.

Ležownostne mjena

Michał Rostok naliči 1887 slědowace serbske ležownostne mjena w Kašecach: Zahončk, Hajk, Dubiny, Mała Lipica, Pódrjeńcy.^[3]

Stawizny

Kašecy naspomnichu so k prěnjemu razej pisomnje w lěće 1374 pod mjenom Cassicz.^[4]

Wobydlerstwo a rěč

Po Mukowej statistice mějachu we 1880tych lětach 112 wobydlerjow, z nich 68 Serbow (61 %) a 44 Němcow.^[5] Tež Arnošt Černik zwěsći 1956 serbskorěčny podźěl wobydlerstwa wot 60,5 %.^[6]

1925 bě wot cyłkownje 97 wobydlerjow 58 ewangelskich (60 %) a 39 katolskich. Kašecy su nimo Žuric a Hłupońcy jedna z třoch gmejnskich dźělow Pančic-Kukowa bjez katolskeje wjetšiny. Kašečanscy protestanća přisłušeja ewangelskej wosadźe w Hornim Wujězdźe, katolscy chodźa do bliskeho Wotrowa.

W lěće 2007 rěčeše so w pjeć swójbach z dźesać dźěćimi wšědnje serbsce. Cyłkownje wužiwachu něhdźe 20 Kaščanow wyše 16 lět serbšćinu jako wšědnu wobchadnu rěć. W jednaće domjacnosćach čitachu Katolski Posoł, w sydom domach tež Serbske Nowiny.^[7]

Wosobiny

Jakub Nowak-Kašćanski (1864–1920), farar a powědančkar
Jan Cyž-Hajničanski (1883–1948), farar, narodny prócowar a předsyda Łužiskeje narodneje rady
Handrij Cyž (1925–2004), kulturnik, dołholětny intendant SLA

Žórła

Jurij Šołta: Kašecy – pohlad do zašłosće a přitomnosće. W Rozhledźe 7/8 1994, str. 291–295

↑ staw: 31. decembra 2022; am-klosterwasser.de
↑ 31. decembra 2022; am-klosterwasser.de
↑ Michał Rostok: Ležownostne mjena. W: ČMS 40 (1887), str. 3–50, tu str. 29 (digitalizat).
↑ Kašecy w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 98. → wšě wjeski
↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 251. [114 wobydlerjow, z nich 40 dorosćenych z aktiwnymi znajomosćemi serbšćiny, 19 z pasiwnymi, 10 serbskich dźěći a młodostnych, 45 bjez znajomosćow] → wšě wjeski
↑ Jan Šołta: Wo serbskosći w Kašecach. W: Protyce 2009, str. 78–81.

Wotkaz

Commons: Kašecy – Zběrka wobrazow, widejow a awdiodatajow

Wsy w gmejnje Pančicy-Kukow

[1] staw: 31. decembra 2022; am-klosterwasser.de

[2] 31. decembra 2022; am-klosterwasser.de

[3] Michał Rostok: Ležownostne mjena. W: ČMS 40 (1887), str. 3–50, tu str. 29 (digitalizat).

[4] Kašecy w Digitalnym stawizniskim zapisu městnow Sakskeje (němsce)

[5] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 98. → wšě wjeski

[6] Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 251. [114 wobydlerjow, z nich 40 dorosćenych z aktiwnymi znajomosćemi serbšćiny, 19 z pasiwnymi, 10 serbskich dźěći a młodostnych, 45 bjez znajomosćow] → wšě wjeski

[7] Jan Šołta: Wo serbskosći w Kašecach. W: Protyce 2009, str. 78–81.

[1]

[2]

[3]

[4]

[5]

[6]

[7]