Kipchoge Keino
Kipchoge Keino | |
|---|---|
 | |
| Vida | |
| Nacimientu | Distritu Nandi[1], 17 de xineru de 1940[2] (84 años) |
| Nacionalidá |
 Kenia |
| Estudios | |
| Llingües falaes | inglés |
| Oficiu | |
| Oficiu | corredor de fondu, mediofondista, atleta |
|
| |
| Pesu | 66 kg |
| Altor | 173 cm |
| Premios |
ver
|
| Miembru de | Comité Olímpicu Internacional |
 | |
| Rellación de medayes olímpiques | |||
|---|---|---|---|
| Atletismu masculín | |||
| Oru | Méxicu 1968 | 1.500 m | |
| Oru | Múnich 1972 | 3.000 m obstáculos | |
| Plata | Méxicu 1968 | 5.000 m | |
| Plata | Múnich 1972 | 1.500 m | |
Kipchoge Kip Keino (17 de xineru de 1940, Distritu Nandi) ye un atleta kenianu yá retiráu.
Biografía
[editar | editar la fonte]Nacíu en Kipsamo, distritu de Nandi, Kenia, foi unu de los primeros corredores d'una llarga llista d'esitosos corredores kenyanos de media y llarga distancia. Sirvió d'inspiración a munchos de los sos compatriotes y ayudó a que Kenia se convirtiera na potencia atlética que ye anguaño.
Empezó la so carrera nos Xuegos de la Mancomunidá de 1962 en Perth (Australia) onde quedó oncenu nes trés milles. Nos Xuegos Olímpicos de Tokyo 1964 acabó quintu nos 5000 m y casi se perdió la final de 1500 metros.
El 27 d'agostu de 1965, Keino ameyoró'l récor mundial de los 3000 m por unos 6 segundos, dexándolu en 7:39.6 na so primer prueba nesa distancia. Más tarde nesi añu rompió'l récor mundial de los 5000 m (en posesión de Ron Clarke), marcando 13:24.2. Nos Xuegos de la Mancomunidá de 1966 en Kingston (Xamaica) ganó les carreres de la milla y les trés milles. Nos siguientes Xuegos de la Mancomunidá, Keino ganó los 1500 m y foi terceru nos 5000 m.
Nos Xuegos Olímpicos de Méxicu 1968, ganó la medaya d'oru nos 1500 m (venciendo al norteamericanu Jim Ryun nun memorable duelu) y la medaya de plata nos 5000 m, a pesar d'una enfermedá. Cuatro años más tarde, nos Xuegos Olímpicos de Múnich 1972, ganó l'oru nos 3000 m obstáculos y la plata nos 1500 metros.
En 1987, compartió'l premiu "Deportista del Añu" de la revista Sports Illustrated xunto con otros siete deportistes, carauterizaos como "Atletes que s'esmolecen" pol so trabayu colos güérfanos.
Anguaño, Keino vive un una magnífica granxa de Kenia occidental, onde remana y dirixe una organización benéfica pa los güérfanos y ye'l presidente del Comité Olímpicu Kenianu. El so fíu Martin, l'únicu que siguió los sos pasos nel atletismu, foi dos vegaes campeón de NCAA.
En 1996 foi incluyíu nel World Sports Humanitarian Hall of Fame.
Referencies
[editar | editar la fonte]- ↑ Afirmao en: Google Freebase Data Dump. Editorial: Google.
- ↑ Afirmao en: World Athletics database. Identificador World Athletics: 198551. Apaez como: Kipchoge Keino.
- ↑ 3,0 3,1 Afirmao en: Olympedia. Identificador de atleta en Olympedia: 72762. Data de consulta: 17 agostu 2024. Llingua de la obra o nome: inglés. Data d'espublización: 2006.
Enllaces esternos
[editar | editar la fonte]- KEINO, Kipchoge A. (Kip) (enllaz rotu disponible n'Internet Archive; ver l'historial y la última versión). International Who's Who. aportáu'l 13 de xineru de 2007. (n'inglés)
- Kip Keino High Altitude Training Center (enllaz rotu disponible n'Internet Archive; ver l'historial y la última versión). (n'inglés)
| Control d'autoridaes |
|
|---|
Datos: Q28947
Multimedia: Kipchoge Keino