Kurt Huber

Kurt Huber
Persona informo
Naskiĝo	24-an de oktobro 1893 (1893-10-24) en Koiro / Kurio
Morto	13-an de julio 1943 (1943-07-13) (49-jaraĝa) en Munich Prison
Mortokialo	Senkapigo
Tombo	Tombejo Waldfriedhof en Munkeno, 21-W-22
Lingvoj	germana
Ŝtataneco	Germana Regno
Alma mater	Munkena universitato Eberhard-Ludwigs-Gymnasium (en)
Subskribo
Familio
Edz(in)o	Clara Huber (en)
Infano	Wolfgang Huber (en)
Okupo
Okupo	psikologo universitata instruisto muzikologo rezistobatalanto

Kurt HUBER (n. 24-an de oktobro 1893 en Chur, m. 13-an de julio 1943 en Munkeno-Stadelheim) estis germana muzik-sciencisto kaj psikologo, profesoro ĉe Ludwig-Maximilian-Universitato en Munkeno. Li estis ano de la kontraŭ-nazia rezista grupo Blanka rozo (Weiße Rose).

Huber ekde 1942 havis kontakton al la Blanka rozo kaj kunredaktis la kvinan kaj sesan flugfoliojn, kiujn la grupo dissendis. En la sesa, verkita de Huber kaj postredaktita de Hans Scholl kaj Alexander Schmorell, li kritikis la militan politikon de la Tria Regno. Ĵetante flugfoliojn en la universitatan korton la gefratoj Scholl estis observataj; post tio la sekreta polico arestis la tutan grupon.

Antaŭ "popola tribunalo" Huber defendis sin dirante, ke la nazia partio NSDAP (kies membro li estis) ne kreis veran ĝermanan kondukistan ŝtaton. Post kvartaga proceso li estis kondamnita al morto per gilotino kaj ekzekutita la saman tagon.

Honorado

• La urbo Munkeno en 1946 nomis placon antaŭ la universitata ĉefkonstruaĵo laŭ Huber.
• La komunumo Gräfelfing nomis laŭ li la straton, en kiu li laste loĝis. Ankaŭ pluraj aliaj urboj nomis laŭ li stratojn.
• En 1966 gimnazio en Gräfelfing estis nomita Kurt-Huber-Gymnasium Gräfelfing.
• La katolika eklezio nomis Huber martiro-atestanto de la fido.