Loudieg

Loudieg
Straed Pondi.
Anv gallaouek	Loudia, Lódeyac
Anv gallek (ofisiel)	Loudéac
Bro istorel	Bro-Sant-Brieg
Melestradurezh
Departamant	Aodoù-an-Arvor
Arondisamant	Sant-Brieg
Kanton	Loudieg (pennlec'h)
Kod kumun	22136
Kod post	22600
Maer Amzer gefridi	Bruno Le Bescaut 2020-2026
Etrekumuniezh	Loudieg Kumuniezh - Kreiz Breizh
Bro velestradurel	Bro Kreiz Breizh
Lec'hienn Web	(fr) ville-loudeac.fr
Poblañsouriezh
Poblañs	9 875 ann. (2022)
Stankter	123 ann./km²
Douaroniezh
Daveennoù lec'hiañ	48° 10′ 40″ Norzh 2° 45′ 14″ Kornôg
Uhelderioù	kreiz-kêr : 162 m bihanañ 73 m — brasañ 245 m
Gorread	80,24 km²
Loudieg

Loudieg (Loudia [ludja] pe Lódeyac e gallaoueg; Loudéac e galleg) a zo ur gumun eus Breizh e departamant Aodoù-an-Arvor hag e Bro-Sant-Brieg, e-kreiz ar vro. Pennlec'h Kanton Loudieg eo.

Douaroniezh

• Lec'hiet eo Loudieg e Kreiz-Breizh, etre an hentoù N164 (Roazhon-Brest) ha D700 (Sant-Brieg-Pondi). 30 mn diouzh Sant-Brieg hag 1 eur diouzh Roazhon.

Dezougen

• 
  Diavaez an ti-gar.
• 
  Un tren er porzh-houarn.

• War al linennoù hent-houarn (serret) Karaez Loudieg ha Pondi Sant-Brieg emañ Loudieg.

Anv

Stummoù kozh

Kavout a reer ar stummoù-mañ: Locduiac (etre 1066 ha 1082), Lodeac (e 1149), Lodoach (e 1223), Lodeac (e 1239, e 1264), Parrez ha burgus Lodeiac (e 1263), Lodoiac (e 1269, e 1280), Loudeac (e 1271), Lodoyac (e 1286), Lodeac (e 1296), Lodehac (e 1369), Loudeac (e 1396). Ar stumm melestradurel a-vremañ a zeu war wel e 1427 (Dielloù Liger-Atlantel, B 2979).

Brezhoneg

E brezhoneg eo testeniekaet ar stummoù-mañ: Loudeac (1789, 1790, 1865, 1911), Loudeak (1847, 1884, 1894, 1905, 1910), Lozag (1906, 1908), Loudieg (etre 1910 ha 2022), Laudeg (1919), Laodeg (1923, 1927), Loudeag (1933), Laudâc (1934), Loudéak (1937), Leudeg (1967), Ludwag (1978), Loraog (1978).

Ardamezioù

En glazur e deir gwerzhidenn en argant ; e gab en gul, karget gant teir mailhenn en aour.

Istor

XI^vet kantved

• War-dro 1059: meneg kentañ eus "Loudeac" e karta diazez prioldi ar Groaz Santel e Josilin.

XIII^vet kantved

• 1263: Loudieg zo lakaet da barrez.

XV^vet kantved

• 1491: arme Bro C'hall a voe ac'hubet Loudieg ganti.

Dispac'h Gall

• Gant al lezenn eus an 26 a viz C'hwevrer 1790 e voe lakaet Loudieg da benn ur bann.

XX^vet kantved

Brezel-bed kentañ

• Diazezet e voe an Ospital Milourel Klokaus Niv 78 e Loudieg e-pad ar Brezel-bed kentañ; gloazidi a oa erruet e miz Gwengolo dija, ha krouet e voe an ospital d'an 2 a viz Here 1914; serret e voe e dibenn miz Du 1917.
• E 1917 e voe degemeret repuidi, 63 Gall ha 62 Velgiad e Loudieg; e mizioù Meurzh hag Ebrel 1918 e teuas pemp repuad all eus departamantoù gall Oise ha Somme abalamour d'an dagadenn alaman bet boulc'het e miz Meurzh.
• Mervel a reas 220 gwaz hervez monumant ar re varv (eleze 3,83% eus ar boblañs e 1911) er gumun, met 251 hervez monumant Santez-Anna-Wened, abalamour d'ar brezel; lazhet e voe pevar anezhe e Belgia e miz Eost 1914, e penn- kentañ ar brezel: d’an 21 e Fosses-la-Ville, ur soudard eus an 70vet Rujumant Troadegiezh ha, d’an 22 en Arsimont, ur soudard eus an 71vet Rujumant Troadegiezh e Maissin, ur soudard eus an 19vet Rujumant Troadegiezh

hag en Emgann Rossignol, ur c’hanolier blenier eus an 2vet Rujumant Kanolierezh Trevadennel; d’an 22 a viz Ebrel 1915 e voe lazhet daou soudard eus an 71vet Rujumant Troadegiezh e Boezinge e Flandrez Belgia.

Eil brezel-bed

• D'an 28 a viz Ebrel 1941 e kouezhas un nijerez (Hampden I marilhet AD834 ha kodet VN-?) eus ar Royal Air Force e Quilliant, nepell eus Loudieg. Daou nijour eus he laz a varvas. Douaret e voent e bered ar gumun. Unan all a voe serret d'an Alamaned, unan all a zeuas a-benn da achap.
• D'ar 4 a viz Gouhere 1944 e voe lazhet seizh Rezistant FFI gant an Alamaned e "La Porcherie".
• Dieubet e voe Loudieg d'an 3 a viz Eost 1944 gant lu ar Stadoù-Unanet.

Brezelioù didrevadennañ

Brezel Indez-Sina

• Mervel a reas daou vilour eus ar gumun er Viêtnam abalamour d'ar brezel.

Brezel Aljeria

• Mervel a reas daou vilour eus ar gumun abalamour d'ar brezel.

Monumantoù ha traoù heverk

• 
  An iliz katolik.
• 
  Ar c'hoc'hu hag an iliz katolik.

• Iliz katolik Sant Nikolaz.
• Ar c'hoc'hu.
• Monumant ar re varv e Leurgêr an Ti-post, luc’hskeudenn ha kartenn-bost.
• Monumant kantonel ar re varv (1939-1945, Brezelioù Indez-Sina hag Aljeria) el Leurgêr Charles de Gaulle, luc’hskeudenn.
• Plakenn ar re varv (1914-1918) en iliz katolik, luc’hskeudenn.
• Monumant ar Rezistanted FFI bet lazhet e miz Gouhere 1944, luc’hskeudenn.

Bered ar gumun

• 
  Bezioù al Lu gall.
• 
  Bez ur soudard eus an trevadennoù.
• 
  Bez ur soudard eus an trevadennoù.
• 
  Bezioù izili eus ar Rezistañs.

• Beziet eo bet enni soudarded eus ar brezelioù-bed hag izili eus ar Rezistañs.

• 
  Bezioù ar C'hommonwealth

Bro	Niver a dud
Rouantelezh-Unanet	2 (Royal Air Force)
Hollad	2

• Bezioù ar C'hommonwealth: daou nijour marvet e miz Ebrel 1941, e-pad an Eil brezel-bed, pa gouezhas o c'harr-nij nepell eus Loudieg.

Melestradurezh

An ti-kêr diouzh an noz.

Roll ar vaered

Amzer	Anv	Strollad	Micher
13.06.1976 - ...	Pierre Étienne
2001 - 2020	Gérard Huet	Hep Strollad	Kelenner
2020 - ...	Bruno Le Bescaut

Poblañs

Emdroadur ar boblañs abaoe 1962

Niver a annezidi

Tud

Tud bet ganet eno

• 1895 : Jeanne Malivel, arzourez.
• 1901 : Yann Sohier, skolaer ha difenner ar brezhoneg er skol.

Ardamezeg ar familhoù

de Kaërbout / de Kerbout Aotrounez la Vallée

En gul e dri ezev en argant, 2, 1

Gevelliñ

Bro	Kêr	Abaoe
Alamagn	Büdingen	1983

Liammoù diavaez

Sellit ouzh ar ger Loudieg er
wikeriadur, ar geriadur frank.

• (fr) Lec'hienn ofisiel kêr Loudieg
• (br) Loudieg war GeoBreizh.com