Melanotaénidos

Melanotaénidos
Melanotaenia boesemani, macho, variedade vermella
Clasificación científica
Reino: Animalia Filo: Chordata Clase: Actinopterygii Orde: Atheriniformes Suborde: Melanotaenioidei Familia: Melanotaeniidae T. N. Gill, 1894
Xéneros
Cairnsichthys Chilatherina Glossolepis Iriatherina Melanotaenia Pelangia Rhadinocentrus

Melanotaenia boesemani

Os Melanotaénidos (Melanotaeniidae) son unha familia de peixes de auga doce e estuarios de río, pertencente á orde dos Ateriniformes (Atheriniformes). Son peixes distribuídos por ríos tropicais do sueste de Asia e Oceanía, hoxe moi apreciados como peixes de acuario polas súas cores chamativas.

Características

Teñen un corpo comprimido lateralmente e de lonxitude máxima de 12 cm. Dúas aletas dorsais separadas por un pequeno espazo, a primeira con 3 a 7 espiñas e a segunda con 6 a 22 radios brandos (nalgunhas especies, o primeiro é unha espiña robusta). A liña lateral adoita estar ausente ou ben pouco definida. As escamas, relativamente grandes.

Presentan coloracións vistosas, estando os machos normalmente moito máis coloreados cás femias.

Clasificación

Divídense en sete xéneros con 75 especies válidas:

• Xénero Cairnsichthys (Allen, 1980)
• Xénero Chilatherina (Regan, 1914)
• Xénero Glossolepis (Weber, 1907)
• Xénero Iriatherina (Meinken, 1974)
• Xénero Melanotaenia (Gill, 1862) (o xénero máis amplo, con 53 especies)
• Xénero Pelangia (Allen, 1998)
• Xénero Rhadinocentrus (Regan, 1914)

Véxase tamén

Ligazóns externas

• Taxonomía FishBase