La Metroo de Bilbao estas la metropolita fervojo de Bilbao (Hispanio) kaj ĝia metropolita areo, la Granda Bilbao, etendita spaco ĉe ambaŭ bordoj de la Estuaro de Bilbao kie koncentriĝas ĉ. miliono da loĝantoj. Nuntempe ĝi havas du metroliniojn ( kaj ) simile al Y kaj ili trairas la du bordojn de la estuaro ĝis komuna konekto sude de Bilbao. Ekzistas projektoj por konstruado de 3 aliaj pli malgrandaj linioj por kvartaloj fore de la estuara bordo. La metroreto estas konektita al la EuskoTran (tramo), Renfe Cercanías Bilbao, EuskoTren, kaj aliaj eŭskaj transportiloj. Entute, la metroo havas 40,61 km (2009), 38 metrostaciojn (22 subteraj kaj 16 surtere).
Ĝi estas la kvara metrosistemo kiu konstruiĝis en Hispanio, post tiuj de Madrido, Barcelono kaj Valencio. Nuntempe ĝi estas la tria laŭ pasaĝeroj (87.000.000 en 2009) malantaŭ Metroo de Madrido kaj Metroo de Barcelono. La metroo de Barcelono famas en Hispanio kiel unu el la plej puraj, bonkvalitaj kaj modernismaj metrosistemoj de Hispanio kaj la mondo.
Nuna metroreto de Bilbao, inkluzive de novaj projektoj konstruotaj.
Metroo de Bilbao
