Nora Heysen

Nora Heysen
	; Irudi gehiago
Bizitza
Jaiotza	Hahndorf (en) , 1911ko urtarrilaren 11
Herrialdea	Australia
Heriotza	Sydney, 2003ko abenduaren 30a (92 urte)
Familia
Aita	Hans Heysen
Familia	ikusi Adolph Bartels (en) (aitona);
Jarduerak
Jarduerak	margolaria eta artista
Jasotako sariak	ikusi Archibald Prize (1938) : Mme Elink Schuurman (en) ; Victorian Honour Roll of Women ; Member of the Order of Australia (1998ko urtarrilaren 26a) ;
Genero artistikoa	erretratua

Nora Heysen (Hahndorf, Australia, 1911ko urtarrilaren 11 – Sidney, Australia, 2003ko abenduaren 30a) margolari australiarra izan zen, Archibald erretratu saria irabazi zuen lehen emakumea, baita gerrako artista ofizial izendatu zuten lehen emakumea ere, borroka-eremuko eszenatokiak erretratatzeagatik.^[1]

Biografia

Hans Heysen margolariaren alaba, 1926an hasi zen artea ikasten. Art Gallery of New South Walesi eta Art Gallery of South Australiari margolanak saldu zizkien 1930ean. Bere lehen erakusketa Sydneyn egin zuen 1933an. Hurrengo urtean Londresera joan zen bere familiarekin, Europan egon zen 1937ra arte. Han ikasten eta margotzen jarraitu zuen. Australiara itzulita, denbora laburrean egon zen Adelaiden, Sydneyra joan aurretik.

1938an Archibald Sarian bi margolanekin parte hartu zuen, Madame Elink Schuurmanen erretratuarekin irabaziz. Ondoren, emakume baten garaipen hori gogor kritikatu zuen Max Meldrum margolariak. 1943ko urriaren 12an, Heysen Australiako gerrako artista izendatu zuten lehen emakumea izan zen. 1946an Ginea Berrian amaitu zen. Lan horrek iraun zuen bitartean, margolariak 170 artelan baino gehiago sortu zituen

Ginea Berrian Nora Heysen-ek Robert Black ezagutu zuen, eta harekin 1953an ezkondu zen. Gerra amaitu eta berehala Londresera joan zen, eta 1948an Sydneyra itzuli zen. Margolariak margotzen jarraitu zuen, bere lanak erakusten eta senarrarekin bidaiatzen. 1993an Heysenek Australiako Kontseiluaren Arteen Lorpenen Saria jaso zuen eta 1998ko urtarrilaren 26an Australiako Ordenako kide izendatu zuten bere meritu artistikoengatik.

Bere lanak Australiako National Gallery, Australian War Memorial, National Library of Australia, National Portrait Gallery eta Australiako beste museo batzuen bildumetan gordetzen dira.^[1]

Sariak eta aitortzak

1993an Heysenek Australiako Kontseiluaren Arteen Lorpenen Saria jaso zuen
1998ko urtarrilaren 26an Australiako Ordenako kide izendatu zuten bere meritu artistikoengatik.

Erreferentziak

↑ ^a ^b «Nora Heysen | Art Gallery of NSW» www.artgallery.nsw.gov.au (Noiz kontsultatua: 2022-07-24).

Kanpo estekak

Datuak: Q3878307
Multimedia: Nora Heysen / Q3878307

[:0-1] «Nora Heysen | Art Gallery of NSW» www.artgallery.nsw.gov.au (Noiz kontsultatua: 2022-07-24).

[1]