Pierre Cuypers

Pierre Cuypers, folút Petrus Johannes Hubertus Cuypers (Roermond 16 maaie 1827 - dêre, 3 maart 1921) wie in arsjitekt út de 19e iuw. Hy gie nei de keunstakademy yn Antwerpen en waard ûnderwiisd yn it Klassisisme. Troch syn reizen seach er benammen yn Dútslân in soad romaanske en goatyske tsjerken. Benammen de Keulske Dom hie syn belangstelling.

Syn earste wurk wie de restauraasje fan de Munstertsjerke yn Roermond. Troch stúdzje fan de Midsiuwske boukeunst en it tapassen fan nije techniken is hy tige ferneamd wurden.

Hy is benammen bekend wurden troch it Ryksmuseum en it Sintraal Stasjon yn Amsterdam, kastiel De Haar yn Haarzuilens en syn tsjerken. Hy hat mei-inoar sa'n santich neo-Romaanske tsjerken ûntwurpen, wêrfan sân yn Fryslân:

1867: Blauhûs, Sint-Fitustsjerke
1869: Snits, Sint-Martinustsjerke
1869: Dokkum, Sint-Bonifatiustsjerke
1870: Wytgaard, Tsjerke fan Marije yn 'e Himel Opnommen (ôfbrutsen yn 1967)
1876: Heech, Sint-Jozeftsjerke
1878: Nes, Sint-Klemenstsjerke
1882: Ljouwert, Sint-Bonifatiustsjerke

Galery

Blauhûs, Sint-Fitustsjerke
Snits, Sint-Martinustsjerke
Ljouwert, Sint-Bonifatiustsjerke
Ryksmuseum ±1900
Amsterdam: stasjon Amsterdam Sintraal
Hilfertsom: Sint-Fitustsjerke
De Vondelkerk in Amsterdam.
Kastiel De Haar mei grêft (july 2003)

Bibliografy

A.J.C. van Leeuwen - Pierre Cuypers architect (1827-1921), Swol-Amersfoart-Zeist, 2007.
H. Berens (ed.) - P.J.H. Cuypers (1827-1921). Het complete werk, Rotterdam, Nederlânsk Arsjitektuerynstitút, 2007.
A.J.C. van Leeuwen - De maakbaarheid van het verleden. P.J.H. Cuypers als restauratiearchitect, Zeist-Swol, 1995.

Keppelings om utens