Pribina
.jpg?lang=gl)  | |
| Biografía | |
|---|---|
| Nacemento | 800 (Gregoriano) Nitra, Eslovaquia |
| Morte | 21 de marzo de 860 (Gregoriano) (59/60 anos) |
| Causa da morte | morto en combate |
| Actividade | |
| Ocupación | aristócrata |
| Outro | |
| Título | Príncipe Tsar |
| Fillos | Gozilo |
Pribina foi un príncipe eslavo do Principado de Nitra (ca. 825-833), fundador do Principado do Balaton (ca. 840-861). En Eslovaquia está considerado o primeiro soberano dos eslovacos. A principal fonte escrita do seu reinado é Conversio Bagoariorum et Carantanorum escrito en Salzburgo por volta de 870.
Traxectoria
[editar | editar a fonte]No ano 827 mandou erixir unha igrexa en Nitra, consagrada polo arcebispo Adalram de Salzburgo, é a máis antiga igrexa en Eslovaquia e a primeira en toda Europa Oriental da que hai documentación por escrito.[1] O príncipe moravo Mojmír I expulsouno de Nitra no 833 e Pribina buscou refuxio nos dominios de Ratbod, margrave de Pannonia, presentado ao rei Lois o Xermánico, fíxoo bautizar na igrexa de Traismauer. Enfrontado con Ratbod, marchou a Bulgaria e intentou convencer ao khan Malamir para atacar os francos, empresa que fracasou xa que o khan búlgaro acababa de asinar a paz con eles. Xa que logo Pribina partiu para a baixa Pannonia, ás terras do príncipe Ratimir, un membro da súa familia. Mais en 838, Ratbod conquistou o principdo de Ratimir e Pribina fuxiu para o territorio de Salacho, un príncipe de Carniola, que conseguiu reconciliar a Radbod con Pribina.
En 839 ou en 840, Pribina recibiu de Lois o Xermánico un dominio poboado por eslavos situado en Pannonia entre o Danubio, o Drava e o Raab, no que historiograficamente recibe o nome de Principado do Balaton. En 846 ou en 847, obtivo a propiedade perpetua. Nos seus dominios encoraxou a colonización e o labor misioneiro. Fixo da súa capital, Blatnohrad unha enorme fortaleza e mandou construír 15 igrexas. Protexeu o imperio dos francos dos ataques da Gran Moravia, de Bulgaria e dos príncipes eslavos do suroeste. Pribina morreu en 861 durante os combates entre Carlomán, en rebelión contra seu pai e Rastislav de Moravia. O seu sucesor foi o seu fillo Kocel.
Notas
[editar | editar a fonte]- ↑ Goldberg, Eric J. (2006). Struggle for Empire: Kingship and Conflict under Louis the German, 817–876. Cornell University Press, páx. 84 ISBN 978-0-8014-7529-0
