Перайсці да зместу

SEAT

З Вікіпедыі, свабоднай энцыклапедыі
SEAT
ісп.: Sociedad Española de Automóviles de Turismo, S.A.
Тып sociedad anónima[d]
Заснаванне 9 мая 1950
Заснавальнікі Нацыянальны індустрыяльны інстытут[d]
Краіна
Адрас
Галіна аўтамабільная прамысловасць
Прадукцыя аўтамабіль
Абарот
  • 8,78 млрд € (2020)[1]
Чысты прыбытак
  • 194 млн € (2020)[1]
Колькасць супрацоўнікаў
  • 14 752 чал. (2020)[1]
Матчына кампанія Volkswagen Group
Даччыныя кампаніі Cupra[d]
Сайт seat.com (англ.)

«SEAT» (Sociedad Espanola de Automobiles de Turismo) — іспанская аўтамабілебудаўнічая кампанія; уваходзіць у склад канцэрна Volkswagen AG. Штаб-кватэра кампаніі знаходзіцца ў Барселоне.

Гісторыя

[правіць | правіць зыходнік]

Гісторыя іспанскіх аўта пачалася ў 1919 годзе. Тады італьянская кампанія Fiat адкрыла ў Іспаніі ў прыгарадзе Барселоны свой філіял. 13 лістапада 1953 года з канвеера сышоў першы аўтамабіль SEAT.

З 1972 года іспанскія гоншчыкі неаднаразова выступалі ў нацыянальных і еўрапейскіх ралійных чэмпіянатах.

У 1974 годзе выпускае двухмільённы SEAT.

У 1980 годзе Fiat адмовіўся павялічыць свой капітал у SEAT і спыніў 30-гадовае супрацоўніцтва з Seat.

30 верасня 1982 года была падпісана дамова аб супрацоўніцтве SEAT з канцэрнам Volkswagen AG, а 9 чэрвеня 1986 года Volkswagen набыў 51 % акцый іспанскай кампаніі. У 1990 годзе Volkswagen стаў паўнапраўным уладальнікам SEAT.

Лагатып маркі Cupra

У 2018 годзе кампанія Seat абвясціла аб стварэнні асобнага брэнда «Cupra». Да таго такую прыстаўку неслі найбольш магутныя мадыфікацыі. Першай такой мадэллю ў 1996 годзе стала Seat Ibiza Cupra. Цяпер пад маркай Cupra на рынак выведзеныя спартыўныя і дынамічныя мадэлі, а таксама электрамабілі.

У верасні 2023 года кіраўнік Volkswagen Томас Шэфер абвясціў, што новых мадэляў пад імем «Seat» не будзе, а планы канцэрна звязаны з развіццём «Cupra». Пры гэтым гандлёвая марка «Seat» не будзе скасавана і для яе будзе знойдзена іншая роля[2].

Дзейнасць

[правіць | правіць зыходнік]

Завод SEAT у Зона Франка ў Барселоне пачаў сваю дзейнасць у 1953 годзе і быў вытворчым комплексам, на якім былі пабудаваны першыя мадэлі SEAT — SEAT 1400 і SEAT 600.

У 1974 годзе SEAT купіў завод у Памплоне кампаніі Authi[en], якая займалася выпускам мадэляў брытанскіх марак Austin, Morris і Mini. Праз два гады Seat пачаў вырабляць тут свае мадэлі SEAT 124 і Panda, да якіх на кароткі перыяд часу далучыліся Lancia Beta HPE і Coupé. Калі супрацоўніцтва з Fiat было спынена і SEAT перайшоў пад кантроль Volkswagen Group, на заводзе ў Памплоне наладзілі вытворчасць Volkswagen Polo. На працягу 1993—1994 гадоў VW перанёс вытворчасць мадэляў SEAT у Мартарэль[3].

У Мартарэлі ўжо існаваў тэхнічны цэнтр СЕАТ, які быў пабудаваны ў 1973 годзе. Volkswagen інвеставаў амаль 250 мільярдаў песет у новы завод, які пачаў працу ў 1993 годзе. Першымі выпушчанымі тут мадэлямі сталі Ibiza другога пакалення і Cordoba. З 2011 года на заводзе таксама дзейнічае лінія, прызначаная для выпуску Audi, упершыню выкарыстаная пры вытворчасці першага пакалення Q3, а затым і A1 Sportback. Цяпер комплекс Мартарэль у Барселоне з’яўляецца адначасова штаб-кватэрай і галоўным еўрапейскім заводам SEAT. Агульная плошча — 2 800 000 кв. м.; колькасць супрацоўнікаў — 12 500 чал.; вытворчая магутнасць — 2400 аўтамабіляў у дзень, больш за 450 000 у год[4].

Мадэльны шэраг

[правіць | правіць зыходнік]

Зноскі

  1. ↑ а б в Annual Report 2020 — SEAT S.A..
  2. ↑ New role for Seat as rise of Cupra continues (англ.). autocar.co.uk (4 верасня 2023). Праверана 8 верасня 2023.
  3. ↑ Filippo Einaudi. Volkswagen Navarra, la fabbrica "inglese" oggi Blue Factory di Taigo (італ.). it.motor1.com (25 красавіка 2023). Праверана 10 верасня 2023.
  4. ↑ Filippo Einaudi. Martorell, il polo Seat che piace anche ad Audi (італ.). it.motor1.com (10 чэрвеня 2021). Праверана 10 верасня 2023.

Літаратура

[правіць | правіць зыходнік]

Спасылкі

[правіць | правіць зыходнік]
Узята з "https://be.wikipedia.org/w/index.php?title=SEAT&oldid=4623630"