Sten Sture Gaztea

Sten Sture Gaztea
	; Irudi gehiago
regent of Sweden (en)	; 1512ko uztailaren 23a - 1520ko otsailaren 3a
regent of Sweden (en)
Bizitza
Jaiotza	1493 (egutegi gregorianoa)
Herrialdea	Suedia
Heriotza	Mälaren, 1520ko otsailaren 3a (egutegi gregorianoa) (26/27 urte)
Hobiratze lekua	Katarina kyrkogård (en)
Heriotza modua	: guduan hila
Familia
Aita	Svante Nilsson
Ama	Iliana Erengislesdotter av Geddeholm, heiress of Ulvåsa manor
Ezkontidea(k)	Christina Gyllenstierna (en) (1511ko azaroaren 16a (egutegi gregorianoa) -
Seme-alabak	ikusi Svante Stensson Sture; Nils Stensson Sture (en) ; Gustaf Sture (en) ;
Hezkuntza
Hizkuntzak	suediera
Jarduerak
Jarduerak	politikaria
Gradua	zaldun

Sten Sture Gaztea, (suedieraz: Sten Sture den yngre; 1493 – Mälaren aintziraren izotzetan, 1520ko otsailaren 5a) Suediako erregeordea izan zen Kalmarko Batasunaren eskuetan zegoenean, 1512tik 1520ko otsailaren 5era arte.

Biografia

Sten Sture Gaztea 1493an jaio zen. Aita Sture leinutik zetorren Svante Nilsson erregeordea izan zen eta, ama, berriz, Iliana Gädda, Ulvåsako oinordekoa^[1].

Sten gazteak 18 urte zituen aita hil zitzaionean eta Eric Trolle aukeratu zuten erregeorde, baina Stenek estatu kolpea eman zuen eta Danimarkako kontseilu gorenak erregeorde egin zuen Trollen ordez^[2]. Egia esan, bere benetako helburua Suedia Danimarkatik independente mantentzea zen eta, horregatik, hartu zuen birramonagandik zetorkion Sture izena, Suediaren independentziaren sinboloa baitzen, aitaren hirugarren lehengusu zen Sten Sture Zaharraren omenez.

Erregeordeak bazekien ezingo ziola Hans Danimarkakoaren eta bere semea zen Kristian II.a Danimarkakoaren aurkako gerra bati alde egin. Horregatik, 1513an, Errusiarekin bake itunak sinatu zituen.

Berehala hasi ziren arazoak Sten erregeordea eta Erik Trollen seme zen Gustav Trolle artzapezpikuaren artean. Honek autonomia gehiago nahi zuen elizarentzat eta erregenteak kargutik kendu eta preso hartu zuen^[3].

Ezkontza eta ondorengoak

1511n, Karlos VIII.a Knutssonen biloba zen Kristina Gyllenstiernarekin ezkondu zen, Svante Stensson Sture, gero Sture kondea izango zena (Riksmarsk edo lehen kondestablea izango zena) semea izan zutelarik.

Hauek izan ziren haien seme-alabak:

Nils Stensson Sture (1512-1527)
Iliana Stensdotter Sture (1514- )
Magdalena Stensdotter Sture (1516-1521)
Svante Stensson Sture (1517-1567)
Anna Stensdotter Sture (1518- )
Gustav Stensson Sture (1519-1520)

XX. mendean, hauen ondorengoa izango zen Sibila Saxonia-Coburgo-Gothakoa Gustavo Adolfo oinordekoarekin ezkondu zen eta haien semea zen Karlos XVI.a Gustavo Suediakoa tronura iritsiko zen.

Heriotza

Azkenean, Kristian II.ak Suediako inbasioari ekin zion. 1520ko urtarrilaren 19an, Danimarka-Suedia arteko gerraren amaiera aldean, Sten larri zaurituta geratu zen Bogesundeko guduan eta Mälaren aintziraren izotzetan hil zen (Suedia), Stockholmera itzultzen ari zenean.

1520ko urte amaieran, Kristian II.a egin zuten errege Suedian eta Gustav artzapezpikuak mendekua hartu zuen bera bota zuten Sturen jarraitzaileekin. Heresia salaketak egin zizkieten eta horren aitzakian exekutatu zituzten, sutan errez. Sten Sturen hilotza ere profanatu egin zuten, herejea bailitzan, sutan errez.