Urang Balantak

Urang Balantak

Total populasi
50.000
Kawasan jo populasi nan signifikan
Sulawesi Tengah
Bahaso
Balantak
Agamo
Islam (mayoritas), Kristen (minoritas)
Kalompok etnis takaik
Banggai Saluan

Urang Balantak adolah kalompok etnis nan mandiami Kabupaten Banggai, Sulawesi Tengah, Indonesia. Masyarakaik Balantak tabagi manjadi duo sub-adaik nan tadiri dari urang Tanoturan dan Dale-Dale. Kabanyakan masyarakat Balantak di Banggai tingga di bagian semenanjung ujung Sulawesi Tengah.

Etimologi

Balantak barasa dari kato Bala nan artinyo pagar atau benteng dan Tak nan artinyo awak, sahinggo Balantak dapek diartikan sabagai pertahanan awak.

Sejarah

Manuruik Kapercayoan, asal-usul adaik bangso Balantak dimulo dari genangan aia lauik surut di tanah Balantak nan disabuik Bokol Balu sabagai akibat dari karajon manusia nan mancewakan hukum. Bokol balu tu malasai sebagian panduduak dan sebagian lainnyo nan salamaik dan mampu bertahan iduik ikolah nan mambuek kalompok adaik bangso Balantak.

Masyarakaik Balantak pado masa lampau marupokan bagian dari Karajaan Banggai. Namun, kini ko indak ado lai pengaruh karajaan nan salain pado pelapisan sosialnyo. Awalnyo, masyarakaik Balantak manjalankan sistem religi jo mamujo roh-roh nenek moyang dan tokoh dewa mode dewa matoari nan disabuik Mola serta dewa bumi nan disabuik Kere. Kini ko, urang Balantak alah manutuik agamo Islam atau Kristen. Walaupun agamo Islam dan Kristen alah takenal, sisa-sisa kayakinan tradisional masih tatap nampak

Parobihan agamo masyarakat Balantak bisa difahamo mengingat aktivitas penyebaran agamo memang pernah dilakukan di Sulawesi Tengah di masa lalu. Agama Islam partamo kali disebar di Sulawesi Tengah dek surang ulama dari Sumatra Barat banamo Abdullah Raqile alias Dato Karamah. Samantaro itu agamo Kristen dibawok dek duo misionaris Balando, A.C Cruyt dan Adrian di Poso selatan dan Donggala. Salain itu, ado juo agamo Hindu dan Budha nan diperkenalkan dek pandatang dari Bali.

Bahaso

Masyarakaik Balantak punyo bahaso asli, yaitu bahaso Balantak. Adopun bahaso Balantak dapek digolongkan ka dalam bahaso Loinang, yaitu kalompok bahaso Ingkar. Untuak malestarikan bahaso lokalnyo, masyarakat Balantak alah punyo Kamus Bahasa Balantak-Indonesia dalam bantuak elektronik. Kamus ko dapek diunduh untuak perangkat jo sistem operasi Android lewat Google Play. Kamus ko diluncurkan pado acara parayaan Hari Jadi Kabupaten Banggai ke-57 pado tahun 2007 jo dipimpin dek Gubernur Sulawesi Tengah, H. Longki Janggola.

Kahidupan sosial

Masyarakaik Balantak batumpua ka sektor pertanian sabagai mata panyakaran utamo. Kelompok ko mananam padi di lahan jo sistem padang, baka dan bapindah-pindah jo mananam ubi dan baandiran komoditaslapa. Salain itu ado juo kegiatan maramu hasil hutan jo baburu ikan dan binatang liar sabagai karajo di sabalah batani.

Di Kabupaten Banggai, adaik Balantak tingga dan mandiami daerah ko sabagai salah satu kalompok adaik gadang basamo dua adaik bangso lainnyo, yaitu adaik Banggai dan adaik Saluan. Samantaro itu di Provinsi Sulawesi Tengah, Balantak manjadi salah ciek dari 12 etnis atau adaik bangso nan mangdemi wilayah tu. Sabuluah etnis atau adaik bangso salain Balantak nan ado yaitu Kali, Kulawi, Lore, Pamona, Mori, Bungku, Saluan, Banggai, Buol, dan Tolitolo.

Untuak urang Balantak, ado ampek hal nan dianggap sabagai unsur paliang penting dalam kabudayaanyo. Kaampek hal itu adolah martabat, kekaluargaan, kataturannyo sosial, dan kamurahan hati. Dalam urusan kaluarga, masyarakat Balantak bisa dikecekan punyo ikatan nan erat. Simanto gotong royong dalam kehidupan sahari-hari marupokan salah ciek parwujudannyo.

Budaya

Sistem kekerabatan

Sarupo alah dikecekan sabalunnyo, kekaluargaan marupokan salah satu hal paliang penting dalam kabudayaan masyarakat Balantak. Ikatan kakaluarga dalam kabudayaan Balantak bersifat bilateral jo kaluarga-kaluargaan inti nan tabaik dalam kasatuan nan disabuik bense. Sabanyak duo atau tigo bense biasonyo mahuni sabuah desa dan desa ko tabaik baliak dalam kesatuan pamukiman atau kampuang nan disabuik bosano. Istilah bosano dipakai lo untuak kapalo kampuang nan manjadi pemimpin sabuah wilayah.

Masyarakaik Balantak punyo juo caro surang untuak mangunjuang duo kaluarga ka dalam suatu sistem karabatan malalui tradisi pernikahan yang disabuik jo Monsara no Ana Wiwin Nono nan artinyo "penyelidikan diam-diam". Tradisi ko dikarajoan katiko seseorang ka mangadoan anak laki-laki nyo. Tujuanyo, tau dari dakek baa tingkah laku padusi nan ka manjadi manantunyo. Sabalun resmi mamingan, salah surang anggota kaluarga pihak laki ka tibo manyambangan rumah pihak padusi untuak malakuan maksud kaluarga nan nio parsuntingnyo. Salain tu pihak laki ka mangadaangan rancana labiah lanjuik untuak maminamang ka urang tuo si padusi.

Tahap mamingan dikarajoan keluarga laki-laki nan tibo ka rumah urang tuo si padusi jo mambaok barang bantuak sirih, pinang, kapua sirih, gambir, jo sejumlah pitih. Tigo hari kamudian, baru lah pihak dari kaduo kaluarga bakumpua baliak untuak mangarajoan detil tantang rancana pernikahan.