Urang Citak
| Kau Kaunak | |
|---|---|
| Total populasi | |
| 8.000[1] | |
| Kawasan jo populasi nan signifikan | |
| Papua Selatan (Indonesia) | |
| Bahaso | |
| Citak | |
| Agamo | |
| Kristen (umumnyo Katolik), Animisme | |
| Kalompok etnis takaik | |
| Asmat, Awyu |
Urang Citak, atau namo lainnyo Cicak, marupoan sabutan eksonim dek Urang Awyu untuak panamoan suku atau urang iko, sadangkan urang Citak tasabuik mamanggia diri nyo surang jo namo endonin Urang Kau atau Kaunak. Salain itu urang iko manggunoan bahaso Citak atau nan mereka sabuik jo Kau Adagum.[2]
Sijarah
[suntiang | suntiang sumber]Awanyo Urang Citak bakahidupan semi-nomaden, dan tingga di kampuang-kampuang ketek nan taseba. Sasudah ado paksaan dari pamarintahan Hindia Balando mereka mulai hiduik parmanen di kampuang nan labih gadang. Makanan pokok urang Citak adolah sagu nan dilengkapi jo ikan dan dagiang. Sagu jo Ikan marupoan hasia dari kaum padusi sadangkan dagiang marupaoan hasia buruan kaum laki-laki manggunoan parahu dengan panjang 4 meter, labih ketek dari parahu untuak kaluarga nan mampunyoi panjang 10 meter.[3]
Awanyo urang Citak manggunoan sistem kakarabatan matrilineal dengan adaik manatap manikah matrilokal. Selain itu urang Citak indak mangenal sistem klan. Walaupun kamudian palahan barubah aktiko masuaknyo misionaris barat.[3]
Panyebaran
[suntiang | suntiang sumber]Urang Citak marupoan suku bangsa nan mandiami hulu Sungai Brazza nan dibatahi di sabalah timur dek hulu Sungai Digul, sadangkan di sabelah barat dibatehi dek Sungai Pulau jo Sungai Wildeman. Di sabalah baratnyo tadapek suku bangsa Asmat, sabalah salatannyo urang Awyu. Bahaso mereka ado pasamoan jo bahaso Asmat, sahinggo sabagian ahli cenderung manggolongkan mereka sabagai salah satu sub-suku bahasa Asmat.[2]
Desa-desa mereka adolah Daikut, Samnak, Sipanap,[1] Senggo, Kunasuma, Basman, Tiau, Amazu, Binerbis, Bidneu/Bidnew, Vamu/Vomu/Fomu, Ipem, Binam, Vakam, Bi-namzein/Mbinamzain, Womin, Sagamu, Buruba, Abau, Komasma/Kumasma, Vou, Imembi, Patipi, Piramanak, Burbis, Binam, Sagis, Emenepe, Tokemau, Dja-wok, Asserep.[2][4] Masyarakaik Citak masuak kadalam Kecamatan Citak Mitak (Kampung Senggo), Kabupaten Mappi, Provinsi Papua Selatan, Indonesia. Jumlah populasinyo sakitar 8.000 jiwa.[1]
Bahaso
[suntiang | suntiang sumber]Urang Citak mampunyoi bahaso Citak. Bahasa Citak ditutuaan dek suku Citak di Kampuang Tugumau, Distrik Ti Zain, Kabupaten Mappi, Provinsi Papua. Bahaso Citak ditutuan pulo di Kampuang Kumaban, Sagis, Basman, Abau, Kumasma, Womin, Bidnew, Fomu, Tiau, jo Binerbis. Manuruik pangakuan panduduak di Distrik Senggo tadapek bahaso Awyu Darat, Asmat Darat, Korowai, jo Kombai. Namun, kasado kampuang di sakaliliang Kampuang Tugumau manggunoan bahaso Citak dalam kasahariannyo.[5]
Budaya
[suntiang | suntiang sumber]Paninggalan dari suku iko nan disimpan di Museum Kebudayaan dan Kemajuan Asmat disimpan di dalam koleksi Yupmakcain. Manuruik direktur museim tasabuik, Eric Sarkol, namo tasabuik dibarikan dek pandahulunyo Yufentius Biakai. Manuruik Biakai, namo Yupmakcain marupoan namo emik dari daerah utara Binam jo Mbinamzain. Babarapo contoh cabang seni suku iko barupo seni drama jo seni rupa, bagian dari upacara adaik. Mirip jo suku Asmat, babarapo seni ukiran barupo pahatan perisai dengan pilihan warna nan mirip jo gaya seni Barat-Daya lainnyo sarupo suku Asmat jo Suku Awyu.[3]
Legenda Agu Ibit
[suntiang | suntiang sumber]Manuruik Pido saurang zauwaibit (pamimpin parang) nan barasa dari Senggo Lama, awanyo suku iko tingga di rumah pohon tatapi kamudian barubah karano babahayo bagi anak ketek nan murah jatuah. Legenda leluhua suku iko adolah Agu Ibit nan dinarasian Pido kapado Josef Haas tahun 1981 (nan di translasikan badasarkan rekaman dek Alexander de Antoni, Stefanus Supprobo jo Cornelis di Senggo, 2007):
Agu Ibit malangkah kalua dari aia ka daraik. Sasudah samalaman di sungai, inyo kamudian duduak diateh pohon Ki, kamudian inyo alah duduak diateh pohon Tinak. Sasudah buang aia gadang inyo kamudian buang aia ketek di pagi hari. Inyo kamudian malompek dari pohon ka pohon, kamudian di ateh pohon inyo mahadok ka barat. Kamudian inyo mamakai ikek pinggang dari kerang jo kaluang dari gigi anjiang. Inyo kamudian bangun dengan kaki nan kaku dan mambukak tangan di ateh pohon Ki. "Oh pohon Ki berikanlah cuaca yang baik, sehingga lengan tangan bisa bergerak bebas", jo suaro nan ceria, "Saya sedang mencari sesuatu untuk dimakan, Hujan jangan turun, saya mau berburu tikus besar, kasuari, dan ikan di sungai. Jika ada perempuan disana, saya ingin memukul sagu." Fo....fo. Kamudian padusi lain bakato, "Saya tinggal di siang ini untuk menyusui bayi." Siang ko sangaik terik, ingin pai jauah. Agu Ibit mambuek cuaca baiak. Di ateh pohon Ki, di ateh pohon Kuru, di ateh pohon Badam, di ateh pohon Utua, pohon kayu, pohon Pambam, daun Tinak, daun pohon, pohon Sagu. Daun pohon sagu, tatapan matonyo bacahayo. Agu Ibit, Agu Ibit, Tanambitda (matahari laki-kaki nama lain Agu Ibit), Tanambitda, matonyo bacahayo sapanjang hari. Kiniko inyo kan pai barangkek dari timur ka barat, hinggo manghilang.[2]
Rujuakan
[suntiang | suntiang sumber]- ↑ a b c Hidayah, Dr Zulyani (2015-01-01) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 9789794619292. https://books.google.co.id/books?id=w_FCDAAAQBAJ&pg=PA95&lpg=PA95&dq=suku+busami&source=bl&ots=yQCaItv-6R&sig=JfcfFwQo2c1zMLwkdGw-idqRFig&hl=en&sa=X&ved=0ahUKEwiJ4bmN57nTAhWHMY8KHW71Bx4Q6AEIWTAK#v=onepage&q=suku%20busami&f=false.
- ↑ a b c d Antoni, Alexander de (2010). ""Call Us Kau, Not Citak." Constitutive Factors for the Ethnic Consciousness of an Asmat Subgroup". Anthropos. Nomos Verlag. 105 (2): 411–422. doi:10.5771/0257-9774-2010-2-411. ISSN 0257-9774.
- ↑ a b c Melalatoa, M.J. (1995) (dalam bahaso id). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. pp. 212. https://books.google.com/books?id=sU4OAQAAMAAJ. Diakses pado 20 Pebruari 2023.
- ↑ "Peta Bahasa Kemendikbud, Bahasa Papua, Bahasa Citak". petabahasa.kemdikbud.go.id. Diakses tanggal 2023-02-20.
- ↑ "Bahasa Citak". Bahasa dan Peta Bahasa di Indonesia. Badan Pengembangan dan Pembinaan Bahasa, Kementerian Pendidikan dan Kebudayaan. Diakses tanggal 05-02-2023.
