Wolfgang Uhlmann

Wolfgang Uhlmann in der Schachbundsliga 2008/09

Wolfgang Uhlmann (* 29. März 1935 in Dresden; † 24. August 2020 ok dor) weer en düütsch Schachgrootmeester. Uhlmann weer de spoodriekste Speler in de DDR.

Leven un Loopbahn

Wolfgang Uhlmann, 1970

Wolfgang Uhlmann, de sien groot schachlich Talent all fröh to sehn weer, as he 1951 de gesamtdüütsch Jöögdmeesterschap för sück entscheeden kunn, hett tonächst van 1949 bit 1952 Bookdrucker lehrt un hett ansluutend noch en Utbillen to’n Industriekoopmann maakt. Later wurr he staatlich fördert un kunn sück blots noch mit den Schachsport befaaten.

Uhlmann, de elf DDR-Meesterschapen wunnen hett (1954, 1955, 1958, 1964, 1968, 1975, 1976, 1981, 1983, 1985 un 1986), kreeg 1956 den Internatschonalen Meestertitel un 1959 den Grootmeestertitel vun de FIDE tospraaken.

Siet 1954, as he dat eerste Mal an en Zonenturnier deelnommen hett (in Mariánské Lázně, 13. Platz), hett he in den Kamp up de Weltmeesterschap mitmaakt. Bi dat Zonenturnier in Wageningen 1957 keem he up den fieften Platz noch vör Petar Trifunović, Gideon Ståhlberg, Rudolf Teschner un annern. 1960 sull he an dat Zonenturnier in Berg en Dal deelnehmen, aber hüm wurr de Inreis in de Nedderlannen verwiegert. Doruphen hemm de Deelnehmer ut de anner Staaten vun den Warschauer Pakt dat Turnier boykotteert, dat denn 1961 in Mariánské Lázně wedderhaalt wurr. Dor hett Uhlmann mit den 3. Platz den Intoog in dat Interzonenturnier vun Stockholm (1962) schafft, bi dat he sück mit Lajos Portisch den 9. un 10. Platz deelen dee. Dör en Sieg bi dat Zonenturnier in Raach 1969 vör Ulf Andersson un Jan Smejkal reck he weer dat Interzonenturnier. Ditmal (Palma de Mallorca, 1970) deel he sück mit Mark Taimanow den 5.–6. Platz, de gliekbedüüdend weer mit de Qualifikatschoon to de Kandidatenwettkämpe . De 1971 gegen den Dänen Bent Larsen speelt Veertelfinalwettkamp in Las Palmas gung för Uhlmann mit 3,5:5,5 verloren. Ok, wenn he noch tweemal an Interzonenturnieiren deelnommen hett, so 1973 in Leningrad un 1976 in Manila) bleev dat sien eenzig Kandidatenwettkamp.

Wolfgang Uhlmann bi de Schachweltmeesterschap vun de Senioren 1996 in Bad Liebenzell

Wolfgang Uhlmann, 2005

In de 1960er Johren harr Uhlmann sien sportlich spoodriekste Tiet. 1964 wunn he gemeensam mit Lew Polugajewski in Sarajevo un mit Wassili Smyslow in Havanna. Mit Borislav Ivkov wunn he 1965 vör de Weltmeester Tigran Petrosjan in Zagreb. To’n Johreswessel 1965/1966 wunn he gemeensam mit Boris Spasski dat traditschonelle Turnier vun Hastings. Zusammen mit Dawid Bronstein siegte er 1968 beim Lasker-Memorial in Berlin.

As Senior weer he immer noch en gooden Schachspeler. He hett an mehreren Weltmeesterschapen vun de Senioren deelnommen. Bi de Schachweltmeesterschap vun de Senioren 1998 in Grieskirchen wurr Uhlmann Tweet, punktgliek mit den Sieger Wladimir Bagirow vör Borislav Ivkov, Oleg Leonidowitsch Tschernikow, Yair Kraidman, Anatoli Jakowlewitsch Lein un annern. 1996 in Bad Liebenzell keem he up den veerten Platz, as Alexei Suetin Weltmeester vun de Senioren wurr. Bi de düütsch Seniorenmeesterschapen kemm he 2001 un 2006 jewiels up den ersten Platz.

Vör de Inführen vun de Elo-Tall bedroog Uhlmann sien best historsch Elo-Tall 2696 in‘n Dezember 1970. De hööchste Elo-Tall, de he reckt hett, weer 2575 in’n Januar 1978.

Wolfgang Uhlmann is Liddmaat vun de Schachafdeelen vun de USV TU Dresden.

Natschonalmannschap

Uhlmann hett mit de Mannschap vun de DDR an de Schacholympiaden 1956, 1958, 1960, 1962, 1964, 1966, 1968, 1970, 1972, 1988 un 1990 deelnommen (van 1974 bit 1986 drüff de DDR-Mannschap nah Anwiesen dör den Düütschen Turn- un Sportbund (DTSB) nich an Schacholympiaden deelnehmen). He hett dorbi 1964 dat best un 1966 dat dartbeste Enzelergevnis an dat eerst Brett reckt. Bi de Mannschapseuropameesterschap 1970 reck mit de DDR-Mannschap den darten Platz un harr todem dat beste Eenzelergevnis an dat eerste Brett. Ebenfalls 1970 wurr he in den Wettkamp UdSSR gegen den Rest vun de Welt an dat söbente Brett vun de Weltutwahl upstellt, verlor dor aber gegen Mark Taimanow mit 1,5:2,5.

Vereens

In de Tiet vun de DDR speel he ünner annern för de SG Dresden-Mickten un af 1955 för den SC Einheit Dresden, mit den he 1957, 1958 un 1962 DDR-Mannschapsmeester in’n Schach wurr. Nah de Weddervereenigen speel Uhlmann to de SG Porz wesselt, mit de he van 1990 bit 1992 in de 1. Bundsliga speelt un ok an den European Club Cup 1992 deelnommen hett. Dornah is he to’n Post SV Dresden wesselt, för de sien Vörgänger BSG Post Dresden he all in de 1970er un 1980er Johren aktiv weer, un 1994 to’n Dresdner SC, mit den he bit 2000 in de 1. Bundsliga speelen dee. Dornah hemm de Dresdner meestens in de 2. Bundsliga (intüschen ünner de Vereensnaam USV TU Dresden) speelt, in de Saisons 2008/09, 2011/12 un 2014/15 ok noch weer in de 1. Bundsliga. Bi sien bitlang letzt Bundsligainsatz an’n 9. April 2016 weer Uhlmann 81 Jahre un 11 Daag olt un he is dormit de öldste Speler, de jemals in de 1. Bundsliga to’n Insatz keem. In de öösterrieksch Staatsliga A speel Uhlmann van 1990 bit 1993, 1994 bit 1996 un 2000 bit 2002 för den SK VÖEST Linz.

Schriever

Wolfgang Uhlmann is ok en bedüüdend Schachbookschriever. He is en vun de weltbest Experten vun de Franzöösöch Verteidigung un schrifft siet den 1980er Johren. Ok för tallriek Schachtietschriften hett he Bidrääg verfaat.

Böker

• mit Gerhard Schmidt: Offene Linien. Sportverlag, Berlin 1981.
• mit Gerhard Schmidt: Bauernschwächen. Sportverlag, Berlin 1984.
• mit Lothar Vogt: Gute Läufer – schlechte Läufer. Sportverlag, Berlin 1988. ISBN 3-328-00237-5.
• Meine besten Partien. ChessCoach, St. Ingbert 2015. ISBN 978-3-944158-07-5.
• Französische Verteidigung – richtig gespielt. 4. Uplaag. Joachim Beyer Verlag, Eltmann 2018. ISBN 978-3959200592. Engelsch Översetten: French Defense - Properly Played 2018, ISBN 978-3959209724. Eerst düütsch Utgaav 1991 ünner den Titel Ein Leben lang Französisch, ISBN 3-89168-018-X.

Literatur

• Klaus Gallinat, Olaf W. Reimann: Wolfgang Uhlmann In: Wer war wer in der DDR? 5. Utgaav. Band 2, Ch. Links, Berlin 2010, ISBN 978-3-86153-561-4.

Weblinks

Wolfgang Uhlmann. Mehr Biller, Videos oder Audiodateien to’t Thema gifft dat bi Wikimedia Commons.

• FIDE-Koort
• DNB-Katalog
• Biografie un Partien bi chessgames.com
• Interview mit Uhlmann bi ChessBase to sien 70. Gebortsdag
• Wolfgang Uhlmann bi dat Zeitzeugenportal