You Are What You Is

You Are What You Is Studioalbum av Frank Zappa
Språk	engelsk
Utgjeve	23. september 1981
Innspelt	juli–september 1980 UMRK
Sjanger	hardrock, progressiv rock, komedierock
Lengd	67:11
Selskap	Barking Pumpkin
Produsent	Frank Zappa
Frank Zappa-kronologi
Return of the Son of Shut Up 'n Play Yer Guitar (1981)	You Are What You Is	Ship Arriving Too Late to Save a Drowning Witch (1982)
Singlar frå You Are What You Is
«Harder Than Your Husband» Utgjeve: 1981 «You Are What You Is» «Goblin Girl»

Meldingar
Karakter
Kjelde	Karakter
Allmusic

You Are What You Is er eit dobbeltalbum av Frank Zappa. Det vart opphavleg gjeve ut i 1981 som ei dobbel vinylplate og sidan av Rykodisc som ein 20 songar lang CD.

Produksjon

Etter utgjevinga av Joe's Garage bygde Frank Zappa eit heimestudio, Utility Muffin Research Kitchen, og planla utgjevinga av eit trippelt konsertalbum kalla Warts and All. Då Warts and All var nesten ferdig, meinte Zappa det hadde blitt for tungvint på grunn av lengda, og skrinla albumet. Seinare sette han i gang med Crush All Boxes. Zappa valde å skrinlegge dette albumet òg, og gav ut songar frå både Warts and All og Crush All Boxes, for albuma You Are What You Is, Tinseltown Rebellion og konsertalbumseriane Shut Up 'N Play Yer Guitar and You Can't Do That On Stage Anymore.

Musikk og tekst

Som eit konseptalbum, er somme av songane knytte saman, men albumet har ikkje eit samla konsept. Tittelsporet «You Are What You Is» er ein livleg poprocksong som det vart laga musikkvideo til i 1984. Kritikarane hevda dette var det mest politiske albumet hans sidan We're Only In It For The Money.

«Harder Than Your Husband» er ein countrysong sungen av Jimmy Carl Black som brukte å spele med Zappa i The Mothers of Invention. Songen handlar om slutten av eit utanomekteskapeleg forhold der han syng «I can be harder than yer husband/To get along with/Harder than yer husband every night». Dobbeltydinga av ordet «harder» er tydeleg: han kan vere valdeleg, men og betre i senga. «Doreen» handlar om ein mann som desperate ynskjer å ha sex med kjærasten sin. «Doreen...don't make me wait/Til tomorrow.../Let me love you tonight». Songen vert spelt som ein doo-wop-song. «Goblin Girl» spelar utelukkande på orda goblin (nisse)/gobbling (sluke). Ei «Goblin Girl» er ei jente som er god til oralsex og heile teksten følgjer denne doble tydinga. Songen vart gjeven ut som singel, men vart lite spelt på radio. Songen vart sidan gjeven ut på albumet Have I Offended Someone?. «Theme From the 3rd Movement of Sinister Footwear» er basert på den første biten av «Sinister Footwear». «Society Pages» er eit åtak mot dei mektige (rike) folka som regjerer i småbyar. «Society Pages», «I'm a Beautiful Guy», «Beauty Knows No Pain», «Charlie's Enormous Mouth», «Any Downers?» og «Conehead» vart alltid framført i lag som ein suite.

Tittelsporet handlar om at folk er betre enn dei trur dei er. Songen vart gjeven ut som B-side til hitsingelen «Valley Girl» i 1982. Det vart laga ein video for songen som vart synt på MTV og som finst i samlinga Videos From Hell. «Dumb All Over» omhandlar organisert religion og vert framført som ein rimande monolog, nesten på rappande vis, om at alle er like dumme, verken religiøse fanatikarar, televangelsitar og kristne frikar er betre enn personane dei prøver å omvende. Zappa konkluderer med at sidan Gud laga alle i sitt bilete, «If we're dumb/Then God is dumb/(An' maybe even a little ugly on the side).» Songen vart sidan gjeven ut på samlealbumet Have I Offended Someone?.

Utgjeving

Albumet vart først gjeve ut på LP av Barking Pumpkin Records (distribuert av CBS) i 1981. Det kom òg ut på eit (no særs sjeldan) 8-sporslydband. Det vart gjeve ut på CD av både Ryko og Zappa Records CD i 1990, og vart standardisert under Ryko i 1995. Den digitale masteren for CD-utgåva leid under overbruk av digitale teknikkar som kompresjon og klang og inneheldt ein forkorta versjon av «Dumb All Over». I 1998 vart det gjeve ut ein ny versjon på CD med betre digital lyd, inkludert den nesten fulle versjonen av «Dumb All Over».

Sporliste

Side ein

Nr.	Tittel	Lengd
1.	«Teen-Age Wind»	3:02
2.	«Harder Than Your Husband»	2:28
3.	«Doreen»	4:44
4.	«Goblin Girl»	4:07
5.	«Theme from the 3rd Movement of Sinister Footwear»	3:34

Side to

Nr.	Tittel	Lengd
6.	«Society Pages»	2:27
7.	«I'm a Beautiful Guy»	1:56
8.	«Beauty Knows No Pain»	3:02
9.	«Charlie's Enormous Mouth»	3:36
10.	«Any Downers?»	2:08
11.	«Conehead»	4:24

Side tre

Nr.	Tittel	Lengd
12.	«You Are What You Is»	4:23
13.	«Mudd Club»	3:11
14.	«The Meek Shall Inherit Nothing»	3:10
15.	«Dumb All Over»	5:45

Side fire

Nr.	Tittel	Lengd
16.	«Heavenly Bank Account»	3:44
17.	«Suicide Chump»	2:49
18.	«Jumbo Go Away»	3:43
19.	«If Only She Woulda»	3:48
20.	«Drafted Again»	3:07

Medverkande

Musikarar

• Arthur Barrow – bassgitar
• Jimmy Carl Black – vokal
• Bob Harris – gutesopran, trompet
• David Logeman – trommer
• Ed Mann – perkusjon
• Tommy Mars – klaverinstrument, vokal
• David Ocker – bassklarinett, klarinett
• Mark Pinske – vokal
• Motorhead Sherwood – tenorsaksofon, vokal
• Craig «Twister» Stewart – munnspel
• Steve Vai – gitarar
• Denny Walley – vokal, slidegitar
• Ray White – rytmegitar, vokal
• Ike Willis – rytmegitar, vokal
• Ahmet Zappa – vokal
• Frank Zappa – komponist, arrangement, vokal, gitar
• Moon Unit Zappa – vokal

Produksjon

• Amy Bernstein – omslag
• George Douglas – assiserande lydteknikar
• Jo Hansch – mastering
• John Livzey – fotografi
• Thomas Nordegg – lydteknikar
• Mark Pinske – lydteknikar
• Allen Sides – lydteknikar
• Dennis Sager – digital lydteknikar
• Bob Stone – remixing, digital remastering
• John Vince – omslag, grafisk design
• Frank Zappa – produsent

Salslister

Album - Billboard (Nord-Amerika)

År	Liste	Plassering
1981	Pop Albums	93

Kjelder

• Denne artikkelen bygger på «You Are What You Is» frå Wikipedia på engelsk, den 22. august 2014.
  • Wikipedia på engelsk oppgav desse kjeldene: