Carrán común

Carrán común pescando

Perdendo unha presa

Pesca exitosa

O carrán común (Sterna hirundo) é unha especie de ave Charadriiforme da familia Sternidae. É unha ave mariña de distribución circumpolar en rexións temperás e subárticas de Europa, Asia, leste e centro de Norteamérica. É un gran migrador, pasando o inverno en océanos tropicais e subtropicais. É ás veces coñecido coma andoriña de mar.

Características

Este é un carrán de tamaño medio, 34–37 cm de longo e 70–80 cm coas ás estendidas. Confúndese doadamente co semellante carrán ártico (Sterna paradisaea) e o carrán rosado (Sterna dougallii).

O seu fino e afiado peteiro é vermello con extremos escuros. As longas patas son tamén vermellas. Sobre as ás ten unha cuña primaria escura, a diferenza do carrán ártico, no cal é gris uniforme. A súa longa cola esténdese só ata a punta das ás cando a ave está parada, a diferenza do carrán ártico e rosado, nos cales excede a punta das ás. Non é tan pálido coma o carrán rosado, e ten ás máis longas.

No inverno, a fronte e a parte ventral son brancas. Os carráns comúns xoves posúen unha extensa coloración de cor xenxibre e carecen do aspecto escamoso dos carráns rosados xuvenís.

O canto é un claro pip-pip, coma o carrán ártico pero máis lento e menos estridente.

Reprodución

Sterna hirundo hirundo

Poñen de 2-4 ovos. É moi defensivo para co seu niño e crías novas e ataca aos humanos e outros depredadores grandes, mais a diferenza do máis agresivo carrán ártico raramente bate ao intruso, usualmente desviándose no último instante.

Alimentación

Esta especie aliméntase en colonias nas costas e illas e frecuentemente na terra en lagos de auga doce. Como todos os carráns, o carrán común aliméntase guindándose á auga para apañar peixes no mar ou en lagos de auga doce e grandes ríos. Usualmente mergúllase directamente, e non asomándose como fai o carrán ártico. A oferta do macho de peixe á femia é parte do ritual de apareamento. Os carráns comúns acadan unha idade de 23 anos ou máis nalgunhas ocasións.

Conservación

O carrán común é unha das especies para as cales aplícase o Acordo para a Conservación de Aves Marítimas Migratorias Africanas-Asiáticas (EAWA).

Subespecies

Coñécense catro subespecies de carrán común:

• Sterna hirundo longipennis Nordmann, 1835
• Sterna hirundo minussensis Sushkin, 1925
• Sterna hirundo tibetana Saunders, H., 1876

Véxase tamén

Bibliografía

• Harrison, Peter (1988): Aves Marítimas (2nd ed.). Christopher Helm, Londres ISBN 0-7470-1410-8
• National Geographic Society (2002): Guía de Campo para Aves de Norteamérica. National Geographic, Washington DC. ISBN 0-7922-6877-6
• Olsen, Klaus Malling & Larsson, Hans (1995): Charranes de Europa y Norteamérica. Christopher Helm, Londres. ISBN 0-7136-4056-1

Ligazóns externas

• Common Tern videos Arquivado 11 de marzo de 2007 en Wayback Machine. on the Internet Bird Collection
• Common Tern Species Account - Cornell Lab of Ornithology
• Common Tern - Sterna hirundo - USGS Patuxent Bird Identification InfoCenter
• Common Tern Information and Photos - South Dakota Birds and Birding
• Common Tern Profile - Madeira Wind Birds