4 жніўня

4 жні́ўня — 217-ы дзень году (216-ы ў невысакосным годзе) паводле Грыгарыянскага календару. Да канца году застаецца 150 дзён.

Падзеі

• 1392 — падпісанае Востраўскае пагадненьне, якое паклала канец грамадзянскай вайне ў Вялікім Княстве Літоўскім
• 1579 — пачатак аблогі Полацку войскам Рэчы Паспалітай на чале са Стэфанам Баторыям
• 1651 — войска Вялікага Княства Літоўскага на чале з Янушам Радзівілам узяло Кіеў
• 1914 — Першая сусьветная вайна: Нямеччына ўварвалася ў Бэльгію. У адказ Вялікабрытанія абвясьціла вайну Нямеччыне. ЗША заявілі пра нэўтралітэт
• 1922 — пахаваньне Аляксандра Бэла. На працягу хвіліны 13 мільёнаў тэлефонаў па ўсёй Паўночнай Амэрыцы маўчалі
• 1924 — Напад на Стоўбцы савецка-беларускай партызанкі
• 1945 — заснаваныя філіі Літаратурнага музэю Янкі Купалы ў Вязынцы і Ляўках
• 1947 — заснаваньне Вярхоўнага суда Японіі
• 1962 — лідэр Афрыканскага Нацыянальнага Кангрэсу Нэльсан Мандэла пасаджаны ў турму, дзе правёў 28 гадоў. Пасьля выхаду на волю Мандэла стаў прэзыдэнтам ПАР

Нараджэньні

• 1290 — Леапольд I, гэрцаг аўстрыйскі
• 1521 — Урбан VII, папа рымскі
• 1594 — Аляксандар Людвік Радзівіл, дзяржаўны і вайсковы дзяяч Вялікага Княства Літоўскага, маршалак надворны (1635—1637) і вялікі літоўскі (1637—1654)
• 1760 — Аўгуст Дамінік Пшазьдзецкі, граф, дзяржаўны дзяяч Вялікага Княства Літоўскага, староста менскі і дэмбскі; пасол на сойм 1780
• 1786 — Дамінік Геранім Радзівіл, вайсковы дзяяч Рэчы Паспалітай, палкоўнік войска Княства Варшаўскага і гвардыі Напалеона
• 1792 — Пэрсі Біш Шэлі, ангельскі паэт, пісьменьнік, драматург і эсэіст
• 1854 — Марыя Занькавецкая, украінская акторка. Народная артыстка Ўкраінскай ССР (1922)
• 1859 — Кнут Гамсун, нарвэскі пісьменьнік, ляўрэат Нобэлеўскай прэміі па літаратуры
• 1901 — Луіс Армстранг, амэрыканскі трубач, джаз-музыка, сьпявак і кампазытар
• 1904 — Вітальд Гамбровіч, польскі празаік, драматург, эсэіст
• 1912 — Вірхіліё Піньера, кубінскі паэт, празаік і драматург
• 1917 — Янка Брыль, беларускі пісьменьнік
• 1945 — Генадзь Бурбуліс, савецкі і расейскі дзяржаўны і палітычны дзеяч
• 1946 — Уладзімер Гаркун, беларускі палітык і дыплямат, Надзвычайны і Паўнамоцны Амбасадар Рэспублікі Беларусь у Летувіскай Рэспубліцы (1998 — 2005)
• 1947 — Мікалай Селяшчук, беларускі мастак
• 1950 — Аляксандар Сямешка, беларускі дыплямат, Надзвычайны і Паўнамоцны Амбасадар Рэспублікі Беларусь у Аб’яднаных Арабскіх Эміратах
• 1960 — Хасэ-Люіс Радрыгес-Сапатэра, гішпанскі палітык, прэм’ер-міністар Гішпаніі (2004 — 2011)
• 1961 — Барак Абама, 44-ы прэзыдэнт ЗША
• 1962 — Яхім Топал, сучасны чэскі паэт, празаік, журналіст і музыкант
• 1968 — Дэніел Дэй Кім, карэйскі актор
• 1973 — Яраш Малішэўскі, беларускі музыка, гісторык, фальклярыст, літаратар
• 1974 — Тацяна Асташчанка, украінскі вайсковы лекар, камандуючая мэдычных сілаў Узброеных Сіл Украіны (з 2021), брыгадны генэрал мэдыцынскай службы
• 1975 — Вячаслаў Бяскосты, беларускі дыплямат, амбасадар Беларусі ў Нігерыі (2012 — 2018), Туркмэністране (ад 2019)
• 1977 — Луіш Боа Морці, партугальскі футбаліст
• 1979 — Руслан Вусаў, беларускі футбаліст, Чэмпіён Беларусі (2003)
• 1985 — Антоніё Валенсія, эквадорскі футбаліст
• 1985 — Марк Міліган, аўстралійскі футбаліст, Уладальнік Кубка Азіі (2015)
• 1986 — Лазар Весялінавіч, сэрбскі футбаліст
• 1991 — Ізэт Хайравіч, басьнійскі футбаліст
• 1992 — Тымур Сафін, расейскі фэхтавальшчык на рапірах, трохразовы чэмпіён Эўропы, Алімпійскі чэмпіён у камандных спаборніцтвах у рапіры

Сьмерці

• 1526 — Хуан Сэбатыян Элькана, гішпанскі мараплавец басцкага паходжаньня
• 1579 — Ян Хадкевіч, дзяржаўны і вайсковы дзяяч Вялікага Княства Літоўскага. Стольнік вялікі літоўскі, генэральны староста жамойцкі, адначасна маршалак вялікі літоўскі і кашталян віленскі
• 1807 — Казімер Канстантын Плятэр, дзяржаўны дзяяч Вялікага Княства Літоўскага. Кашталян троцкі, апошні падканцлер вялікі літоўскі
• 1875 — Ганс Крыстыян Андэрсэн, дацкі пісьменьнік і паэт, аўтар сусьветна вядомых казак для дзяцей
• 1946 — Рут Ўолер, амэрыканская місіянэрка, чалец беларускай місіі ААН у справе дапамогі й аднаўленьня (ЮННРА)
• 1994 — Станіслаў Латал, чэскі рэжысэр-аніматар
• 1997 — Жанна Люіза Кальман, француская жанчына з найдаўжэйшаю пацьверджанаю працягласьцю жыцьця ў гісторыі чалавецтва. Пражыла 122 рокі і 164 дні
• 2018 — Аляксандар Кулінковіч, беларускі рок-музыка, заснавальнік і вакаліст гурта Neuro Dubel