Alexia Greziakoa

Alexia Greziakoa
	; Irudi gehiago
; Greziako erregeako heir presumptive (en)	; 1965eko uztailaren 10a - 1967ko maiatzaren 20a - Pavlos, Crown Prince of Greece (en) →
; Greziako erregeako heir presumptive (en)
Bizitza
Jaiotza	Greziako Erresuma, 1965eko uztailaren 10a (59 urte)
Herrialdea	Danimarka
Bizilekua	Mon Repos (en) ; Londres; Bartzelona; Puerto Calero (en)
Lehen hizkuntza	greziera modernoa
Familia
Aita	Konstantino II.a Greziakoa
Ama	Ana Maria Danimarkakoa
Ezkontidea(k)	Carlos Morales Quintana (en) (1999ko uztailaren 9a -
Seme-alabak	ikusi Arrietta Morales y de Grecia (en) ; Ana-Maria Morales y de Grecia (en) ; Carlos Morales y de Grecia (en) ; Amelia Morales y de Grecia (en) ;
Haurrideak	ikusi Pavlos, Crown Prince of Greece (en) ; Prince Nikolaos of Greece and Denmark (en) ; Teodora Greziakoa; Prince Philippos of Greece and Denmark (en) ;
Familia	ikusi Countess Ingrid von Pfeil und Klein-Ellguth (en) (alababitxi);
Leinua	House of Glücksburg (Greece) (en)
Hezkuntza
Heziketa	Hellenic College of London (en) 1985) ; Froebel College (en) ; (1985 - 1988) Artean graduatu : historia, hezkuntza
Hizkuntzak	ingelesa; gaztelania
Jarduerak
Jarduerak	aristokrata, primary school teacher (en) eta special education teacher (en)
Lantokia(k)	Southwark eta Bartzelona
Jasotako sariak	ikusi Order of the Redeemer ; Order of Saints Olga and Sophia ;
Sinesmenak eta ideologia
Erlijioa	kristautasun ortodoxoa

Alexia Greziakoa eta Danimarkakoa (grezieraz: Αλεξία; Mon Repos, Korfu, Grezia, 1965eko uztailaren 10a) Greziako eta Danimarkako printzesa da. Konstantino II.a Greziakoaren eta Ana Maria Danimarkakoaren alaba zaharrena da. Aipatzekoa da errege-etxe greziarraren titulu errealak Danimarkako errege-etxeak erabiltzen dituela ofizialki, non greziar kide guztiak Danimarkako printze edo printzesak diren, beren eskubidez. Grezia errepublika bada ere, lehen aipatutako tituluak Danimarkako monarkiaren gorteak bermatu eta ofizialki onartzen ditu, eta Danimarkako erresuman legezko titulu bihurtzen ditu. Greziako errege-familiako kide guztiek, Mikel Greziako printzearen ezkontide Marinak eta haren alabek, Alejandra eta Olga printzesek, izan ezik, Danimarkako printze eta printzesa tituluak dituzte, errege-gorentasunaren trataerarekin.

Danimarkako Margrethe II.a Danimarkakoa eta Espainiako Sofía erreginen iloba da, eta Espainiako Felipe VI.a erregearen lehengusina.

Bizitza

Jaiotza

Alexía 1965eko uztailaren 10ean Mon Repos jauregian, greziar errege familiaren atseden egoitza Korfun, Joniar Uharteetan.

Alexia hitza Alejandra itzultzen da. Bi izenok, Alexandrarekin batera, "babesa" esan nahi dute.^[1]

Greziako printzesa oinordekoa izan zen bere neba Pablo jaio zen arte.

Neba-ahizpak

Pablo Grezia eta Danimarkakoa (1967- ). Greziako printze titularra eta oinordekoa, Espartako dukea eta Danimarkako printzea.
Nicolas Grezia eta Danimarkakoa (1969- ). Greziako printze titularra eta Danimarkako printzea.
Teodora Greziakoa eta Danimarkakoa (1983- ). Greziako printzesa titularra eta Danimarkako printzesa.
Felipe Greziakoa eta Danimarkakoa (1986- ). Greziako printze titularra eta Danimarkako printzea.

Erbestea

1967an bere familiak Erromara erbesteratu behar izan zuen Konstantino erregea herrialdea gobernatzen zuen junta militarrarekin etsaitu zenean.^[2]

Ikasketak

Printzesak Erroman hasi zuen bere heziketa, Greziako irakasle pribatu batekin. Handik gutxira, familia Danimarkara joan zen bizitzera, eta Amalienborg jauregian bizi izan zen, Ingrid Suediako erreginaren ondoan, Alexiaren amaren aldeko amonaren ondoan.

1974an familia Ingalaterrara joan zen bizitzera, eta bertan bizi izan zen aurrerantzean. Han, Alexiak batxilergoa eta Historiako lizentziatura egin zituen, baita Pedagogiako graduondoko ikastaro bat ere. Gero hezkuntza arloan hasi zen lanean, haurrekin.

1992tik aurrera Espainia askotan bisitatzen hasi zen eta handik gutxira Bartzelonara joan zen bizitzera, bere lehengusina Cristina Borboikoa bizi zen hiri berera. Bartzelonan Maistratasuna ikasi zuen Haur Hezkuntzan, eta Downen sindromea zuten haurrekin lan egin zuen.

Ezkontza eta ondorengoak

Ezkontza

Espainian ezagutu zuen bere senarra izan zena, Carlos Javier Morales Quintana arkitekto eta kirolaria, eta harexekin ezkondu zen 1999ko uztailaren 9an, Londresko Santa Sofia Katedralean, Greziako Eliza ortodoxoaren arabera.^[3]^[4]

Bere ohorezko damak Teodora Greziako printzesa, Olinpia Greziako printzesa eta Mafalda Bulgariako printzesa izan ziren, Kyril Bulgariako printzearen alaba.

Seme-alabak

Arrietta Morales Greziakoa 2002ko otsailaren 24an jaio zen, Bartzelonan, bere aitabitxi eta amabitxiak izan ziren: Teodora Greziako eta Danimarkako printzesa (amaren izeba), Espainiako Cristina Borboikoa (amaren aldeko lehengusina) eta Manuel Cabrera (aitaren laguna).
Ana Maria Morales Greziakoa 2003ko maiatzaren 15ean jaio zen, Bartzelonan. Bere aitabitxi eta amabitxiak izan ziren: Pablo Greziako eta Danimarkako printzea (bere amaren aldeko osaba) eta Alejandro Morales (aitaren aldeko osaba).
Carlos Morales eta Greziakoa 2005eko uztailaren 30ean jaio zen, Bartzelonan. Bere aitabitxi eta amabitxiak izan ziren: Nikolas Greziako eta Danimarkako printzea (amaren aldeko osaba), Greziako Marie-Chantal Greziako printzesa (amaren aldeko izeba) eta Espainiako Elena Borboikoa (amaren aldeko lehengusina).
Amelia Morales Greziakoa 2007ko urriaren 26an jaio zen, Bartzelonan. Aitabitxi eta amabitxiak izan ziren: Felipe VI.a Espainiako erregea (amaren lehengusua, artean Felipe Borboiko printzea) eta Alexandra Sayn-Wittgenstein-Berleburgekoa printzesa (amaren aldeko lehengusina) izan ziren.

Egoitza

Familiarekin batera bizileku izan du Yaiza udalerrian dagoen Puerto Caleron, Lanzarote uhartean.^[2]

Beste datu batzuk

Carlos Javier Morales Quintana senarra inputatua izan zen, Lanzaroten hirigintza delitu bat egitea egotzita.^[5]
Noizean behin, Espainiako ospitale batzuetako jarduera publikoetan agertzen da, eta ekitaldi sozialetan parte hartzen du, batez ere Lanzarote uhartean; aldi berean, Espainiako errege-familiarekin harremanetan egoten da.
Bihotzeko prentsako pertsonaia da Espainian.
Hauen amabitxia da: Olinpia Greziako printzesa (iloba), Pablo Nicolas Sebastian Urdangarin eta Borboikoa (lehengusinaren semea), Ingrid von Pfeil und Klein-Ellguth kondesarena, Isabel Danimarkako printzesarena eta Emma Tallulah Behnena.