Alpes-de-Haute-Provence
| Alpes-de-Haute-Provence | |
|---|---|
| |
| Våpenskjoldet til Alpes-de-Haute-Provence | |
| Plassering | |
| |
| Administrasjon | |
| Departmentnummer: | 04 |
| Region: | Provence-Alpes-Côte d'Azur |
| Préfecture: | Digne-les-Bains |
| Sous-préfectures: | Barcelonnette Castellane Forcalquier |
| Arrondissement: | 4 |
| Kantonar: | 30 |
| Kommunar: | 200 |
| Président du conseil général: | René Massette |
| Statistikk | |
| Folketal | Rangering 94. |
| -2009 | 159 450 |
| Folketettleik: | 22/km² |
| Landareal¹: | 6 925 km² |
| ¹ Franske landdata, som ikkje tar med elvemunningar, innsjøar, vatn og isbrear større enn 1 km². | |
| |
Alpes-de-Haute-Provence er eit departement søraust i Frankrike, som tidlegare var ein del av provinsen Provence. Departementet høyrer til regionen Provence-Alpes-Côte d'Azur
Historie
[endre | endre wikiteksten]Nord-de-Provence var ein av 83 opphavlege departement som vart oppretta den 4. mars 1790 under den franske revolusjonen. Han fekk det nye namnet Haute-Provence og Basses-Alpes.
8. desember 1793 vart departementet Vaucluse oppretta frå delar av departementa Bouches-du-Rhône, Drôme og Basses-Alpes. 13. april 1970 fekk departementet Basses-Alpes namnet Alpes-de-Haute-Provence.
Geografi
[endre | endre wikiteksten]Alpes-de-Haute-Provence er eit fjellområde med fjelltoppar over 2 500 meter. Klimaet er svært tørt, men kunstig vatning gjer at ein likevel har ein rik fruktindustri.
Departementet er omringa av dei franske departementa Hautes-Alpes, Alpes-Maritimes, Var, Vaucluse og Drôme, i tillegg til at det grensar til Italia.
Av elvar i departementet finn ein Durance, Verdon, Bléone, Ubaye, Var, Buëch, Jabron og Largue.
Demografi
[endre | endre wikiteksten]Innbyggjarar i dette departementet vert kalla Bas-Alpins.
Folksetnaden var ein gong jamnt fordelt over heile departementet, både i fjellområda og i jordbruksområda. Mot slutten av 1800-talet minka derimot folketalet på grunn av distriktsutflytting til byane. Folketalet fall frå om lag 150 000 til 100 000 etter den første verdskrigen. Det var ikkje før 1960 at folketalet igjen byrja å vekse, frå 84 335 i 1968 til 139 561 i 1999. Sjølv om folketalet er om lag som det var for hundre år sidan er fordelinga ei heilt anna. Folkesetnaden er no konsentrert i dei større byane, Manosque og Digne-les-Bains, og fjellområda er tynt folkesett.
Arrondissementa Barcelonette og Castellane er dei to minst folkesette i Frankrike, og dei einaste med under 10 000 innbyggjarar. Landsbyen Castellane er det minste sous-préfecture i Frankrike.
Turisme
[endre | endre wikiteksten]Dei vakre omgivnadane i departementet gjev grunnlag for mange aktivitetar og attraksjonar. Elleve landsbyar er utpeikt for sin spesielle arkitektur. Av attraksjonar finn ein:
- Sisteron med sin gamle festning og smale gater.
- Gorges du Verdon, Europa sitt svar på Grand Canyon
- Digne-les-Bains, ein by med varmekjelder
- Forcalquier
- Moustiers-Sainte-Marie, kjend for keramikk.
Om sommaren er det populært med luftsport i dei omliggande fjella, som seglflyging, hanggliding og paragliding. Området har òg svært mange skisenter opne om vinteren.
Bakgrunnsstoff
[endre | endre wikiteksten]
Wikimedia Commons har multimedia som gjeld: Alpes-de-Haute-Provence
- Offisiell side Arkivert 2015-09-27 ved Wayback Machine.
- http://uk.alpes-haute-provence.com/ Arkivert 2005-06-22 ved Wayback Machine. Nettsida til prefekturet]
- Detaljert informasjon
- Informasjon landsby for landsby
- Sisteron Arkivert 2011-09-27 ved Wayback Machine.
- Seglflyging i Sisteron