Andrea del Verrocchio

Andrea del Verrocchio
	;
Nome orixinal	Andrea di Michele di Francesco de Cioni
Biografía
Nacemento	(it) Andrea di Michele Cioni ; c. 1435 ; Florencia, Italia
Morte	7 de outubro de 1488 (52/53 anos); Venecia, Italia
Grupo étnico	Pobo italiano
Actividade
Campo de traballo	Pintura
Lugar de traballo	Florencia ; Pistoia (pt) ; Orvieto (pt) ; Venecia
Ocupación	pintor (década de 1460–), arquitecto, músico, debuxante arquitectónico, tallador de imaxes, orfebre, escultor, bronze sculptor (en)
Empregador	Desiderio da Settignano (pt)
Xénero artístico	Retrato, arte sacra, nudez na arte, figura e arte animal (pt)
Movemento	Renacemento italiano e Renacemento
Profesores	Giuliano Verrochi (en) e Donatello
Alumnos	Leonardo da Vinci, Lorenzo di Credi (pt) , Pietro Perugino, Domenico Ghirlandaio, Francesco Botticini (pt) e Sandro Botticelli
Compañeiro profesional	Desiderio da Settignano (pt)
Mecenas	Medici
Obra
	Obras destacables (década de 1460) Bust of a Young Woman (en) ; (década de 1460) David (pt) ; (1470) Putto with a Dolphin (en) ; (1470) Madona com Menino (pt) ; (década de 1470) Bautismo de Cristo; (década de 1470) Tobias e o Anjo (pt) ; (década de 1480) Statue of Bartolomeo Colleoni (en) ;
Descrito pola fonte	Teutsche Academie der Edlen Bau- Bild- und Mahlerey-Künste (en) , (sec:Andrea del Verrocchio, 75); Le vite de' più eccellenti pittori, scultori e architettori, (sec:V3.45, Andrea Verrocchio pittore, scultore et architetto); Schilderboeck (pt) , (sec:T'leven van Andries Verrocchio, Schilder, Beeldt-snijder, en Bouwmeester, Florentijn., M135)

Andrea di Michele di Francesco de Cioni, máis coñecido como Andrea del Verrocchio, nado en Florencia entre 1434 e 1437 e finado en Venecia no ano 1488, foi un escultor e pintor italiano. Foi un artista polifacético, porque ademais da escultura e a pintura, practicou a ourivaría e a música e mesmo estivo interesado nas matemáticas. O seu traballo foi influenciado polas últimas obras escultóricas de Donatello. O seu obradoiro era xa plenamente renacentista.

Traxectoria

Naceu en Florencia entre 1434 e 1437, na parroquia de Sant'Ambrogio (a súa casa natal sitúase hoxe entre a Vía dell'Agnolo e a Vía de' Macci). A súa mai, Gemma, tivo oito fillos, dos que Andrea era o quinto. O pai, Michele di Cione, era fabricante de tellas, e máis recadador de impostos. Andrea non casou nunca, mais axudou a algúns dos seus irmáns e irmás. O seu irmán Simone foi monxe en Vallombrosa e chegou a ser abade de igrexa de San Salvi. Outro irmán foi obreiro téxtil e unha das irmás casou cun barbeiro.

A fama de Andrea medrou cando foi acollido na corte dos Medici, para a cal traballou até poucos nos antes de morrer, cando decidiu marchar para Venecia, aínda que mantivo o seu obradoiro florentino. Comezou o seu traballo como ourives no taller de Giuliano Verrocchi, do que seguramente Andrea colleu o sobrenome polo que é aínda hoxe coñecido. O seu primeiro contacto coñecido coa pintura remonta ao ano 1460, cando traballou en Prato, con Fra Filippo Lippi, no coro do Duomo desa cidade.

O primeiro documento que o cita procede do ano 1452, é involúcrao nunha rifa na que resultara ferido un home polo mesmo artista.

Selección de obras

Escultura

Tumba de Giovanni Pietro de Medici, 1472, igrexa de San Lourenzo, Florencia;
David, 1476, Museo Nacional do Bargello, Florencia;
Giuliano de Medici,1475-78, National Gallery of Art Washington, D.C.;
A incredulidade de santo Tomé, 1476-83, igrexa de Orsanmichele, Florencia;
Monumento de Bartolomeo Colleoni, 1483-88, Campo de san Zanipolo, Venecia, citado con frecuencia só como Il Colleoni, foi acabada por Alessandro Leopardi, despois da morte de Verrocchio;

Pintura

Das súas pinturas apenas ha algunha na que non se vexa a man doutros artistas que traballaran no seu taller, como Il Perugino, Lorenzo de Credi, Leonardo da Vinci,...

Bautismo de Cristo, ca. 1474-75, con colaboración de Leonardo da Vinci, Galería Uffizi, Florencia;
Madonna con san Donato e Xoán o Bautista, con colaboración de Lorenzo de Credi, Catedral de Pistoia;
Madonna e Neno, ca. 1470, obra de taller, Metropolitan Museum, Nova York;
Tobías e o anxo, obra de taller, National Gallery, Londres.

Bautismo de Cristo
Madonna e Neno
Tobías e o anxo

Véxase tamén