Richard Reece

Richard Marsden Reece
–Richard Reece–

Biografía
Nacemento	25 de marzo de 1939 Gloucestershire, Reino Unido
País de nacionalidade	Británica
Educación	University College London
Q89547790	Estudos de moeda romana das Illas Británicas.
Actividade
Campo de traballo	Numismática e arqueoloxía
Ocupación	arqueólogo, numismático
Empregador	UCL Institute of Archaeology (en) Universidade de Londres
Premios
- (1989): Premio Lhotka, da RNS. - (2009) Medalla da Royal Numismatic Society. - (2014) Premio Derek Allen, da Academia Británica.
Lista (2014)  Premio Derek Allen (1968)  Compañeiro da Sociedade de Anticuarios de Londres

Richard Marsden Reece, nado en Cirencester, no condado de Gloucestershire, o 25 de marzo de 1939, foi un bioquímico inglés máis coñecido polo seu labor no terreo numismático.

Traxectoria

Richard Marsden Rice era fillo de Richard Marsden e Alice Reece.

Realizou os seus estudos superiores de Bioquímica no University College London, onde se graduou en 1961. Posteriormente ingresou na Universidade de Oxford (Wadham College) para continuar os seus estudos, e alí acadou o grao de doutor en 1972.

Exerceu a docencia de Química no colexio de ensino secundario St George's School, en Leatherhead (1962-1966), no condado de Hertfordshire, e entre 1966 e 1968 foi o xefe do departamento de Química en St George's School, no mesmo condado.

Reece abandonou o ensino secundario dous anos máis tarde e en 1970 ingresou no Instituto de Arqueoloxía de Londres como profesor axudante, e en 1981 acadou o posto de profesor asociado.

En 1994 regresou ao University College London para exercer como profesor de Arqueoloxía e Numismática Romanas Tardías e, logo da súa xubilación en 1999, foi nomeado profesor emérito nesta universidade.

Entre outras institucións de prestixio científico, Reece formou parte da Sociedade de Anticuarios de Londres a partir de 1968, e en 2003 foi elixido como socio de honra da Real Sociedade de Numismática de Londres, de cuxo consello formara parte entre 1970 e 1973.

Honras e premios

• 1989: Premio Lhotka, da Royal Numismatic Society.
• 2009: Medalla da Royal Numismatic Society.
• 2014: Premio Derek Allen, da Academia Británica.

Escolma de obras

Esta é unha escolma das principais monografías de Reece en materia numismática e arqueolóxica:

• (1975): Introduction to Roman coins. Corinium Museum. Cirencester. ISBN 9780904925029
• (1981): Excavations in Iona 1964 to 1974. Institute of Archeology London.
• (1987): Coinage in Roman Britain. Seaby. Londres. ISBN 9780900652868
• (1988): My Roman Britain. Cotswold Studies. Cirencester. ISBN 9780905853215
• (1990): Excavations, survey and records around Cirencester. Cotswold Studies. Cirencester. ISBN 9780905853260
• (1991): Roman coins from 140 sites in Britain. Oxbow Books. Oxford. ISBN 9781873132203
• (1997): The future of Roman military archaeology : annual Caerleon Lecture in honorem Aquilae Legionus II Augustae. National Museum of Wales. Cardiff. ISBN 9780720004458
• (1999): The later Roman Empire : an archaeology AD 150-600. Tempus. ISBN 978-0752414492
• (2000): Identifying Roman Coins. A practical guide to the identification of site finds in Britain. Con S. James. Spink. ISBN 9781902040400
• (2002): The Coinage of Roman Britain. The History Press. Stroud. ISBN 9780752425238
• (2003): Roman coins and archaeology : collected papers. Cultura. Wetteren. ISBN 9789080661691