Taxi Driver

Taxi Driver
Ficha técnica
Título orixinal	Taxi Driver
Director	Martin Scorsese
Produtor	Julia Phillips Michael Phillips
Guión	Paul Schrader
Intérpretes	Robert De Niro Jodie Foster Albert Brooks Harvey Keitel Leonard Harris Peter Boyle Cybill Shepherd
Música	Bernard Herrmann
Fotografía	Michael Chapman
Montaxe	Marcia Lucas (supervisor) Tom Rolf Melvin Shapiro
Estudio	Bill/Phillips Italo/Judeo Productions
Distribuidora	Columbia Pictures
Estrea	1976
Duración	113 minutos
Orixe	Estados Unidos
Xénero	Drama
Orzamento	$1.300.000
Recadación	$28.262.574
Na rede

Taxi Driver é un filme estadounidense de 1976 dirixido por Martin Scorsese e escrito por Paul Schrader. O filme está ambientado en Nova York, pouco despois de que terminase a guerra de Vietnam, e está protagonizado por Robert De Niro, quen interpreta a Travis Bickle, un ex-combatente solitario e mentalmente inestable que comeza a traballar como taxista, incorporándose á turbia vida nocturna da cidade.

Sinopse

Para soportar o insomnio crónico que sofre dende o seu regreso de Vietnam, Travis Bickle (Robert De Niro) traballa como taxista nocturno en Nova York. É un home pouco sociable que apenas ten contacto cos demais, pasa os días nos cines para adultos e vive obsesionado con Betsy (Cybill Shepherd), unha atractiva loira que traballa como voluntaria nunha campaña política. Tras estragar a súa incipiente relación con Betsy, Travis non pode menos que seguir observando como a violencia, a sordidez e a desolación se apoderan da cidade, polo que un día decide pasar á acción.

Personaxes

• Robert De Niro como Travis Bickle
• Jodie Foster como Iris "Easy" Steensma
• Albert Brooks como Tom
• Harvey Keitel como Matthew "Sport" Higgins
• Leonard Harris como Senador Charles Palantine
• Peter Boyle como "Wizard"
• Cybill Shepherd como Betsy
• Harry Northup como Doughboy
• Martin Scorsese como Pasaxeiro que olla a silueta
• Victor Argo como Melio

Galardóns e nomeamentos

• 1976: 4 nomeamentos ó Oscar: Filme, actor (Robert De Niro), actriz secundaria (Jodie Foster) e música.
• 1976: Festival de Cannes: Palma de Ouro - mellor filme.
• 1976: 2 nomeamentos ó Globo de Ouro: Actor en drama (De Niro) e guión.
• 1976: 3 premios BAFTA: Secundaria (Foster), revelación (Foster) e música.

Véxase tamén

Ligazóns externas

• Ficha na IMDb (en inglés)
• Ficha en TCM (en inglés)
• Ficha en AllMovie (en inglés)
• Ficha en RottenTomatoes (en inglés)