Yezekael, roue Domnonea

Yezekael

den

Reizh pe jener	paotr
Bro ar geodedouriezh	Devnon
Anv-bihan	Judicaël
Titl noblañs	Roue
Deiziad ganedigezh	590
Lec'h ganedigezh	Breizh
Deiziad ar marv	17 Kzu 658, 647
Lec'h ar marv	Gwazel
Tad	Yuzel
Breur pe c'hoar	Haëloc, Santez Onenn
Bugel	Alain II Hir, Winog
Micher	manac'h, monark
Karg	Roue
Stad ar c'hanonizasion	sant
Gouel	17 Kerzu

Ur pennad Yezekael zo ivez.

Yezekael, Yudikael, bet ganet war-dro 590 ha marvet war-dro 658, a voe roue Domnonea, ur rouantelezh vras e hanternoz Breizh er VII^vet kantved. Mont a reas da vanac'h, ha lakaet e voe da sant.

Anv

• Henvrezhoneg : Iudichael, eus iud "brezelour" + -ic + hael "nobl", "brokus".

Paot eo an anv Yudikael e Breizh. Deuet eo da vezañ Yezek(a)el ha « Jézéquel » e Breizh-Izel, Jikel ha « Gicquel » e Breizh-Uhel.

Buhez

Dindan an anv Iudichael ez eo meneget gant Gregor Teurgn en e Historia Francorum.

Mab e oa da Judual pe Judhaël, roue Domnonea, ha d'ar rouanez Pritelle, merc'h henañ Ausoche, kont Leon. Ur c'hoar en devoa, Onenn, ha pemzek breur yaouankoc'h, en o zouez ar sent Judog, Winog, ha Haelog.

Hag eñ pennhêr e voe rediet da lezel ar galloud gant e vreur Haelog. Mont a reas da vanac'h e Gwazel betek marv Haelog. Galvet e voe en-dro diwezhatoc'h da gemer krog e stur ar rouantelezh ha neuze e tapas ur vrud a furnez.

Marteze e voe trec'h war ar roue frank Dagobert Iañ. E 635, Dagobert a roas urzh da Yezekael da zont betek e balez e Clichy, e-kichen Pariz, evit adanzav e fealded d'ar roue, anez e vije aloubet Breizh. Asantiñ a reas ar roue brezhon, a erruas gant profoù, met nac'h a reas debriñ gant ar roue, ar pezh a voe gwelet evel ur gunujenn outañ.

E mare Yudikael eo e teuas sant Maloù da Vreizh da ziazezañ eskopti Sant-Maloù. Harpañ a reas savidigezh meur a vanati, hini Pempont savet diwar emziskouez ar Werc'hez a oa bet eno, a-hervez.

Marv

War-dro 640 e tilezas e garg a roue da vont adarre da vanac'h e Gwazel, nepell diouzh manati Pempont, a oa bet diazezet gantañ, a-raok mervel eno. Goude e dremenvan e voe beziet e-kichen an abad Meven, hag anvet da sant. Lidet e vez d'ar 16 a viz Kerzu.

• 
  Judikael dirak Dagobert Iañ
• 
  Sant Yezekael en iliz abati Pempont
• 
  Delwenn da Yezekael e Pempont

Levrlennadur

• (fr) Joseph Chardonnet : Le livre d'or des saints de Bretagne, Coop Breizh, 2011 (ISBN 978-2-84346-533-8)
• (en) Julia M. H. Smith : Province and Empire: Brittany and the Carolingians, Cambridge University Press, 2008 (ISBN 978-0-52103-030-4)

Pennad kar

• An anv-badez Yezekael

Liammoù

• Saint Judicaël, Roi de Bretagne
• La vie de Saint Judicaël ou Gicquel