Хәлим Җәлалов
| Хәлим Җәлалов | |
|---|---|
 | |
| Туган телдә исем | Хәлим Бәдри улы Җәлалов |
| Туган | 27 апрель 1940 СССР, РСФСР, ТАССР, Балык Бистәсе районы, Олы Солтан |
| Үлгән | 5 июль 2021 (81 яшь) РФ, ТР, Казан |
| Яшәгән урын | Маршал Чуйков урамы, Казан[1] |
| Милләт | татар |
| Ватандашлыгы |  ССРБ Россия Федерациясе/ Татарстан |
| Әлма-матер | Казан театр укуханәсе |
| Һөнәре | артист |
| Эш бирүче | Галиәсгар Камал исемендәге Татар театры |
| Бүләк һәм премияләре |  (1992)  (2021)Абдулла Алиш премиясе |
Хәлим Бәдри улы Җәлалов (Җәләлов[2]), сәхнә псевдонимы Хәлим Җәләй (1940 елның 27 апреле, СССР, РСФСР, ТАССР, Балык Бистәсе районы, Олы Солтан ― 2021 елның 5 июле, РФ, ТР, Казан) — драма актеры, Камал театры артисты, Татарстанның халык артисты (1992). «Намус һәм тугърылык» номинациясендә «Тантана» премиясе лауреаты (2021).
Тәрҗемәи хәле
[үзгәртү | вики-текстны үзгәртү]Хәлим Җәлалов Татарстанның 1940 елның 27 апрелендә Балык Бистәсе районы Олы Солтан авылында туа. Шунда урта мәктәпне тәмамлый. Берничә ел Казан киез итек фабрикасында эшли, тормыш чыныгуы ала.
1961 елда Казан театр училищесына укырга керә. Ш. Сарымсаков, Г. Шамуков, Х. Уразиков кебек мәшһүр артистлардан, укытучы-остазлардан белем ала. Училищены тәмамлаганнан соң Г. Камал исемендәге академия театрына эшкә алына. Хезмәтнең башлангыч чорында иҗат иткән Янгир (Нәкый Исәнбәт “М. Җәлил”), Шәрифҗан (Аяз Гыйләҗев “Җиргә тапшырылган серләр”), Гайфи (Х. Вахит “Күк капусы ачылса”) һ.б. образлар аркылы Х. Җәлалов талантлы артист буларак халыкка таныла.
Х. Җәлалов әдәби әсәрләрне сәнгатьле укуы белән дә тамашачыларга билгеле шәхес. Радио-телевидение фондында сакланучы бик күп язмалар шул хакта сөйли. Үзе дә әдәби әсәрләр иҗат итә, тәрҗемә эше белән дә шөгыльләнә. А.Вампиловның “Провиния мәзәкләре” китабы (1987) аның тәрҗемәсендә дөнья күрде. Моннан тыш балаларга атап чыгарылган “Корчаңгы тай һәм таз малай” (1993), “Шәрә бүре” кебек китаплары да бар. Аның берничә пьесасы Г.Камал исемендәге академия театрында балалар өчен куелды.
2021 елның 5 июлендә Казанда 81 яшендә вафат[3][4]. Казанның мөселман зиратында җирләнә[5]
Бүләкләре, мактаулы исемнәре
[үзгәртү | вики-текстны үзгәртү]- 1992 ― Татарстанның халык артисты
- 2016 ― Абдулла Алиш премиясе
- 2021 ― «Тантана» премиясе лауреаты ― «Намус һәм тугърылык» номинациясендә[6]
Хәтер
[үзгәртү | вики-текстны үзгәртү]- 2023 елда Балык Бистәсе районы Олы Солтан авылы мәдәният йортына исеме бирелгән[7].
Искәрмәләр
[үзгәртү | вики-текстны үзгәртү]- ↑ https://jitely.info/kazan
- ↑ Җәләлов Хәлим Бәдри улы // Татар энциклопедиясенең шәхесләр исемлеге. К.: ТР ФА Татар энциклопедиясе институты, 1997, 97нче бит
- ↑ Татарстанның халык артисты Хәлим Җәләй вафат. Азатлык радиосы, 5.07.2021
- ↑ Тирән кайгы. Камал театры сайты, 5.07.2021
- ↑ Хәлим Җәләйне Казанда Самосыроводагы мөселман зиратында җирләделәр Татар-Информ, 06.07.2021
- ↑ «Тантана - 2021» театр премияләрен тапшыру. «Татар-информ» онлайн, 27.03.2021
- ↑ Рифат Каюмов. Балык Бистәсе районы Олы Солтан авылы мәдәният йортына Хәлим Җәләлов исеме бирелде. Татар-информ, 12.12.2023
Сылтамалар
[үзгәртү | вики-текстны үзгәртү]- Камал театры сайтында шәхси бите(үле сылтама)
Шулай ук карагыз
[үзгәртү | вики-текстны үзгәртү]
- 27 апрель көнне туганнар
- 1940 елда туганнар
- Әлифба буенча шәхесләр
- Балык Бистәсе районында туганнар
- 5 июль көнне вафатлар
- 2021 елда вафатлар
- Казанда вафатлар
- Татарстан Республикасы каршындагы казанышлары өчен ордены кавалерлары
- Камал театры актерлары
- Татарстанның халык артистлары
- Балык Бистәсе районының шәрәфле ватандашлары
- Казан театр укуханәсен тәмамлаучылар
- «Тантана» премиясе лауреатлары
- Абдулла Алиш премиясе лауреатлары
- Казанның мөселман зиратында җирләнгән шәхесләр